Sekretari i Përgjithshëm i Partisë Demokratike, ka reaguar pas publikimit të një video-montazhi nga kryeministri Rama në Instagram.

Bardhi e cilëson si një gjë të turpshme nga ana e kryeministrit video-montazhin, ndërkohë që në këto ditë krize Bardhi thekson se Rama nuk ka gati asnjë qindarkë t’u japë shqiptarëve.

Ndiqni video-montazhin e publikuar nga kryeministri Rama në Instagram duke klikuar ketu

Reagimi i plotë i Gazment Bardhit: 

“Në vend që të shqetësohet për mijëra shqiptarë që sot janë pa punë, pa bukë, mijëra prindër që janë në ankthin e përditshëm të infektimit apo të humbjes së vendit të punës, Edi Rama merret me videomontazhe të turpshme për të sulmuar opozitën.

Nuk ka gati asnjë qindarkë t’u japë nesër shqiptarëve, siç ua premtoi. Nuk do tja dijë se as gjysma e atyre që duhet të merrnin paratë e paketës së parë nuk i kanë marrë akoma.

Cfarë turpi që në këto ditë krize të thellë për çdo shqiptar ai ka vetëm një obsesion, të sulmojë opozitën.” Shkruan Bardhi në një postim në facebook.