Sipas burimeve të Podiumi.com Henri Çili është ndaluar dje para mesnate, teksa kthehej në shtëpinë e tij me makinë.

Ai, sipas informacioneve praraprake, dyshohet që të ketë tentuar të ushtrojë ndikim mbi një gjyqtar për lirimin e dy personave të arrestuar.

Kërkesa për ndalimin Çilit u bë me vendim të gjykatës.  Kjo e fundit mësohet se të enjten ka miratuar një kërkesë për lejimin e kontrollit në banesë dhe në vende të tjera, jo vetëm për Henri Çilin, por edhe për disa persona të tjerë.

Kërkesa në gjykatë ishte dërguar të mërkurën. Ndalimi mësohet që ka ardhur pasi Henri Çili ka dalë në disa përgjime, të cilat po kryheshin në kuadër të një dosje hetimore për “falsifikim kartmonedhash”.

Dosja ishte nën hetim nga Prokuroria e Përmetit qysh prej vitit të shkuar.

Kohët e fundit botuesi dhe analisti i mirënjohur kishte vënë theksin që ndryshimi politik i qeverisjes në Shqipëri është shumë i nevojshëm.