Tavë me krap Shkodre

Nga: ZONJA VJOLLCA
1 peshk krap
1 kg qepë të ëmbla
500 gr domate
150 gr salcë domate
Pak pestil, 1 lk sheqer
Kripë, piper i zi

3-4 gjethe dafine
3 lgj uthull
1 ½ kokë hudhër
3 lgj miell për pudrosjen e peshkut
150 ml vaj ulliri
150 ml verë e bardhë
4 copë karafil të thatë

Pastrojmë peshkun dhe e presim atë në feta jo shumë të trasha. Presim më pas qepën hollë në feta. Vendosim tiganin me pak vaj të ngrohet dhe pasi kemi spërkatur peshkun me pak kripë e pudrosim atë me miell dhe i japim një skuqje shumë të lehtë. E vendosim peshkun në tavën që do të gatuajmë. Po në yndyrën ku skuqëm peshkun duke shtuar dhe pak vaj kaurdisim qepën derisa ajo të ulë volumin, të zbutet dhe të zverdhet pak. Shtojmë në të domatet dhe hudhrat dhe i lemë të gatuhen. Në tasin me salcë hedhim pak ujë, uthull, kripë, piper, pak sheqer dhe pistil të grimcuar me qëllim që të zbutet pak dhe pasi i përziejmë mirë i shtojmë tek domatja që po zjen. Shtojmë më pas kimën e përgatitur mbi peshk, shpërndajmë nëpër tepsi gjethet e dafinës, 4 copë karafil, në fund shtojmë dhe verën dhe e vendosim tavën në furrë të piqet në temperaturën 180 gradë Celsius për 30-40 minuta (kujdes, tava nuk duhet të thahet shumë, por të lidhet me pak lëng).