Opinionisti dhe aktivisti i shoqërise civile, Erion Kristo, ka reaguar ashpër në rrjetin e tij social, lidhur me zhvillimet e fundit. Kristo mesa duket i referohet rastit të kryetarit të Bashkisë së Bulqizës, dhe mosreagimit ndaj asaj që u pa, ku sipas gazetarit Hoxha që nxori videon, ai po konsumon kokainë në një ambjent publik. Vihet re se mazhoranca ende nuk ka një qendrim të qartë për rastin.

“Ka humbur fare kuptimi i fjales “skandal”. Me vjen për të qeshur kur kujtoj se sa shpejt hiqen nga detyra policet apo mesuesit që bejne skandale. Dhe asnjeherë pushtetaret që ngjyejne doren. Kjo do të thotë që pushteti se ka problem fare të na sakrifikoje në, po ka shume problem të preke njerezit e vetë pushtetit. Dhe kjo ndodh nën duartrokitjet e njerezve, që nuk merakosen aspak për atë që u mungon ne tavoline, po se mos stresohen pushtetaret. Dhe njerezit gezojne kur ata vjedhin, vecse harrojne qe ata vjedhin pikerisht ate qe u takon njerezve. Një popull që tradheton interesat e tij, ska pse te merzitet kur e tradhetojne. Dhe ska pse t’ua hedhe fajin të tjerëve. Vetem në vendin tone, dhe askund tjeter, njerezit i thonë bravo atij që vjedh”, shprehet Kristo.