Mediat kanë siguruar videon e vrasjes së biznesmenit Kastriot Reçi.

Siç shihet në pamje, biznesmeni 47-vjeçar zbret nga një makinë tip “Mercedes Benz”, dhe afrohet tek një grua e cila ka përdore një fëmijë të mitur. Teksa përshëndetet me gruan, të cilën e puth në faqe, Reçi nis të puthë dhefëmijën.

Në këtë moment, ai është qëlluar me snajper vetëm një herë dhe menjëherë ka rënë përtokë. Plumbi që sipas grupit hetimor e ka kapur në zemër, ka ardhur nga një largësi prej 250 metrash, nga kati i shtatë i një pallati.

Biznesmeni Kastriot Reçi u vra mesditën e djeshme në qendër të Rrëshenit, sapo doli nga lokali i tij. Ajo çfarë dihet me siguri tashmë është se ai është qëlluar me snajper nga një pallat 9-katësh me distancë rreth 250 metra nga vendi i krimit.

Burimet nga grupi hetimor thanë se ekzekutori dyshohet të jetë qitës profesionist pasi ka qëlluar me precezion të lartë, duke lënë të vdekur Reçin me një plumb të zemër./Dosja