Gazetari Drini Zeqo ka reaguar së fundmi ndaj pedagoges së departamentit të Gazetarisë dhe Komunikimit, Iris Luarasi, pasi përmendi 4 emra të njohur që kanë mbetur dikur në lëndën e saj.
Ai është shprehur përmes një postimi në rrjetin social “Instagram” se departamenti i Gazetarisë dhe Komunikimit nuk të mësonte përpara disa viteve ndonjë gjë të madhe mbi gazetarinë e radios apo televizionit, dhe se të gjithë ata persona që kanë punuar për të ndihmuar familjet, sikurse ai, kanë bërë mirë.
“Nuk është se ai fakultet në fakt të mësonte ndonjë gjë të madhe mbi gazetarinë e radios apo televizionit. Dhe po, ne që kemi punuar për të ndihmuar familjet, apo për të mësuar ndonjë gjë më shumë, kemi bërë mirë. Zysh Irisi, pedagogjia e gazetarisë në Shqipërisë nuk është ndonjë gjë e madhe për t’u mbushur”-ka shkruar Drini Zeqo.
