“Futbolli s’është për hallexhinj”, Tifozët Kuqezi i përvishen zyrtarit të FSHF: I keni bërë si bileta në finale Champions-i

Deklarta fyese e zyrtarit të FSHF-së, Arben Dervishaj i cili ka vendosur edhe ndryshimin e emrit të stadiumit “Qemal Stafa” në “Arena Kombëtare”, ku thotë se “futbolli nuk është për hallexhinjtë” duke ju referuar çmimeve të larta që vendos Federtata, ka sjellë një irritim tek tifozët kuqezi.

Në një deklaratë zyrtare tifo grupi “Tifozat Kuq e Zi” kanë reaguar ashpër ndaj kësaj deklarate duke kërkuar nga FSHF që të distancohet nga këto deklarata të turpshme, fyese dhe përqeshëse, si dhe të rishikoj politikën e çmimeve sa më të arsyeshme për xhepin e qytetarit të normal shqiptar ( e jo të Dervishëve).

Deklarata e “Tifozëve Kuq e Zi”.

Letër publike Federatës Shqiptare të Futbollit!

Arben Dervishi deklaron se “futbolli nuk është për hallexhinjtë”.

Ky copë mishi i veshur me petkun e njeriut, që kurrë në jetën e tij s’ka paguar biletë, por i ka marrë falas, fatkeqësisht është zyrtar i Federatës Shqiptare të Futbollit, institucion që propagandon e fton “hallexhinjtë” në stadium dhe që këtyre hallexhinjëve u’a shet biletat me çmimin e një finaleje të ligës së Kampionëve.

Këta hallexhinjtë e japin edhe lekun e fundit që ta shohin Kombëtaren. Para të cilat i fitojnë me stërmundime dhe shumë djersë, e jo duke u servilosur e duke u lëpirë pas personave me pushtet apo grupeve të interesit.

Ftojmë Federatën që të distancohet nga këto deklarata të turpshme, fyese dhe përqeshëse, si dhe të rishikoj politikën e çmimeve sa më të arsyeshme për xhepin e qytetarit të normal shqiptar ( e jo të Dervishëve).