Herës tjetër Kryeministri para se të vendosë të bëj donacione për Katedralen e Parisit të sigurohet që e ka fondin për emergjencat civile

Nga Jorida Ramadani

Herës tjetër Kryeministri para se të vendosë të bëj donacione për Katedralen e Parisit ose për shtetet e tjera, për çështje diplomacie, Pubblic Relation a ku di çfarë, të sigurohet që e ka fondin për emergjencat civile në gjendje maksimale.
Kur ministritë me një mungesë të paparë etike institucionale, ju kërkojnë shtetasve në rrjetë sociale, donacione për përballimin e pasojave të tërmetit në 3 qytete e kupton realisht që mjafton shumë pak për të prishur ekuilibrat dhe për ta futur vendin në krizë.
Familjet më të varfra shqiptare, po ndihmohen nga fondacione e organizata si “Fundjava Ndryshe”, disa të tjera me karakter fetar ose nga donacione të huaja. Çdo ditë në Facebook ka një familje të re që ka fëmijën në pikë të hallit e i duhen para për kurime jashtë, unë dua të di shteti çfarë funksioni ka në të gjithë këtë?!
Jo për gjë, por, këtyre funksionarëve të aparatit shtetëror, lekët e rrogës ky Bossi Popull po ja u paguan një më një, pa asnjë ditë vonesë.