Lidhu me ne

Letersi

Andon Z. Çajupi poezi – Fshati im

Fshati Im

Maletë me gurë,
fushat me bar shumë,
aratë me grurë,
më tutje një lumë.

Fshati për karshi
me kish’ e me varre,
rrotull ca shtëpi
të vogëla fare.

Ujëtë të ftohtë,
era pun’ e madhe,
bilbili ia thotë,
gratë si sorrkadhe.

Burrat nën hie,
lozin, kuvendojnë,
pika që s’u bie,
se nga gratë rrojnë!

Gratë venë nd’arë,
dhe në vreshta gratë,
gruaja korr barë,
punon dit’ e natë.

Gratë në të shirë,
në të vjela gratë,
ikinë pa gdhirë,
kthenenë me natë.

Gruaja për burrë
digjetë në diell,
punon es’rri kurrë
as ditën e diel.

0 moj shqipëtarkë,
që vet’ e nget qetë,
edhe drek’ e darkë
kthehesh e bën vetë;

Moj e mjera grua,
C’e do burrë zinë
që ftohet në krua
dhe ti mban shtëpinë!.

– poezi nga Andon Z. Çajupi

Në fokus:burrat cajupi fshatiim hije kuvendojne lozin nen poezi

Lajmi i rradhës

Poezi nga Naim Frashëri – Bagëti E Bujqësi

Tregim nga Ernest Koliqi – HANË GJAKU

Vazhdo leximin