Lidhu me ne

Kryesore

Veliaj premton tunel për të ndrequr problemet e trafikut që shkaktoi sheshi Skënderbej

Veliaj premton tunel për të ndrequr problemet e trafikut që shkaktoi sheshi Skënderbej

Pasi shpenzoi dhjetëra milionë euro për ta kthyer sheshin Skënderbej në parking dhe pedonale, Erion Veliaj synon të shpenzojë edhe dhjetëra të tjerë për të ndrequr kaosin e trafikut që vetë ai krijoi. Ideja e Veliajt për katër vitet e ardhshme është që qarkullimin jugor të Unazës së Vogël ta kalojë me një tunel nga Parku Rinia te rruga George W. Bush te Parlamenti.

Sheshi Skënderbej kushtoi mbi 15 milionë euro dhe la si pasojë një qarkullim kaotik të automjeteve në qendrën e Tiranës, pasi Kryeministri Edi Rama dhe Veliaj vendosën që poshtë sheshit të kishte parking dhe jo ndonjë nënkalim që do ta sistemonte lëvizjen. Tre vite më pas Veliaj propozon një zgjidhje me tunel, për një situatë që mund ta kishte zgjidhur me më pak kosto që në fillim kur nisi punimet për sheshin e ri.

Punimet për sheshin Skënderbej nisën me premtimin se qarkullimi në qendër nuk do të përkeqësohej. Për këtë Veliaj kërkoi ndërtimin si fillim të Unazës së Vogël. Kështu u vendos që lëvizja të bëhej me unazë dhe jo me nënkalime.

Për ndërtimin e pjesës veriore të unazës Bashkia kontraktoi kompaninë Geci shpk. Rreth 900 metra nga Banka e Shqipërisë deri te Ushtari i Panjohur kushtuan mbi 1 milionë euro.

Për segmentin jugor nuk u fol gjë edhe pse dihej që rruga Murat Toptani nuk mund të shfrytëzohej për Unazën e Vogël për shkak të gjetjeve arkeologjike – themelet e Kalasë së Tiranës – gjetje që justifikuan kthimin në pedonale në vitet kur Bashkia drejtohej nga Rama.

Fatura e totale e sheshit Skënderbej u bë e majme, pasi siç ka raportuar edhe në të shkuarën Exit.al, nga hiçi projektit iu shtua parking dhe jo ndonjë kalim nëntokësor. Kjo shtojcë dhe dy fazat e tjera të sheshit i kapërcyen 15 milionë eurot (mbi 1,9 miliardë lekë) pa llogaritur këtu dëmshpërblimet për prishjen e godinës së INSIG-ut, apo pronarëve e truallit atje.

Vetë Veliaj jep detaje se përse sheshi kushtoi kaq shumë kur nuk e fsheh faktin se për gjelbërimin, u preferua të merreshin pemë nga Italia:

Në parking poshtë është mbjellë një pemë gjigande 40-vjeçare, që e kemi marrë nga Italia, ka qenë transplanti më i madh i një peme aq të rritur në Evropë… është sjellë me dy trajlera dhe me anije të posaçme.  

Por megjithëse u pagua shtrenjtë për sheshin, Unaza e Vogël mbeti përgjysmë dhe trafiku u bë kaotik sidomos në orët e pikut mëngjeseve dhe pasditeve.

Sheshi i Veliajt mbylli rrugën Çamëria (përpara selisë së Partisë Socialiste). Qarkullimi u detyrua të kalohej vetëm nga rruga Ibrahim Rugova. Kështu me një shesh me parking dhe jo kalime nëntokësore, lëvizja u detyrua të bëhej me zik-zake drejt rrugës Myslym Shyri-Bulevardit e më pas për nga Bashkia nga rruga Abdi Toptani.

Prej rreth tre vitesh, në qendër, 16 linja autobusëshdetyrohen të qarkullojnë në një segment gjysmë-unazor dhe të ndajnë stacionet mes tyre.

Por për këtë situatë, të cilën e krijoi vetë me projektin e tij dhjetra milionësh Erion Veliaj, ai premton një zgjidhje: zgjatjen në jug e lindje të Unazës së Vogël dhe futjen e qarkullimit në një tunel. Ai e përshkruan kështu:

Pranë Bashkisë kemi vetëm një kanal (rruga Abdi Toptani) për dy… le të themi dy korsi, i cili do të largohet në mandatin tonë tjetër, sepse menduam që unaza të mos e bëjë këtë devijim, por të futet poshtë (nënkalim) në periferi të parkut Rinia, poshtë hotel Dajtit, poshtë kishës, poshtë xhamisë.

Postimi në Instagram i Erion Veliajt, ku paraqet idenë e tij për tunelin në jug të parkut Rinia.

Këtë ide për tunel Veliaj e ka bërë publike edhe në një postimnë Instagram. E paraqitur me një thirrje për pjesëmarrje në zgjedhjet e 30 qershorit, vizualizimi i idesë së Veliajt tregon për një ndërhyrje me infrastrukturë rrugore në Parkun Rinia. Rrugë me të paktën 5 korsi në anën jugore të parkut dhe një tunel poshtë bulevardit Dëshmorët e Kombit.

Nuk dihet se sa mund të jetë kostoja e kësaj ideje me tunel e Veliajt, por e sigurt është se teksa ai ka në mendje këtë gjë, në anën tjetër nuk i ka kursyer fondet duke qenë se ka hapur tenderin për rehabilitimin e parkut Rinia, projekt i të cilit kap koston e rreth 900 mijë eurove dhe parashikon ndërhyrje në park edhe në zonën jugore, zonë ku ai mendon të ndërtojë rrugën me 5 korsi dhe nisjen e tunelit.

Në gusht 2018, Bashkia kontraktoi Son Engineering dhe A&E Engineering për të bërë projektin rehabilitues të parkut. Studiot u paguan rreth 27 mijë euro. Një vit më vonë Bashkia hapi tenderin për “Rehabilitimin e Parkut Rinia” me një fond prej rreth 850 mijë eurosh. Bashkë me mbikëqyrjen e punimeve – €15 mijë – rehabilitimi i parkut i afrohet 900 mijë eurove.

Projekti i rehabilitimit të parkut Rinia ideuar nga Son-Group, i cili shtrihet në të gjithë zonën aktuale të parkut.

Nuk dihet se kur e mendoi idenë e tunelit Veliaj, para apo pasi hapi tenderin për rehabilitimin e parkut Rinia.

Më tej në imazhin e paraqitur nga kryebashkiaku nuk kuptohet se si do të vazhdojë rruga pas tunelit. A do të prekë ai prjekte të miratuara dhe në punim, si për shembull rikonstruksioni i ish-Hotel Dajtit, apo ndërtimit të godinës MET-Tirana Building dhe ideja e Veliajt mbivendoset edhe me projektin zhvillues të këtij ndërtimi.

Kështu pasi shpenzoi më shumë se 15 milionë euro për ta kthyer sheshin Skënderbej në pedonale dhe parking, Veliaj kërkon të shpenzojë edhe dhjetëra miliona të tjera për ta përfunduar Unazën e Vogël dhe për të zgjidhur kështu problemin që ai vetë krijoi, trafikun e rënduar të qarkullimit të mjeteve në qendër./Exit.al

Vazhdo leximin

MË TEPËR

Mix10 orë më herët

Çfarë ndodh në organizëm nëse nuk hani sheqer për 10 ditë

Sheqeri ka një efekt shkatërrimtar në organizëm dhe nxit shfaqjen e shumë problemeve dhe sëmundjeve shëndetësore siç janë: diabeti i...

Mix10 orë më herët

Faktori që ndikon në shtimin në peshë – Këshillat që ju duhen

Ushqyerja e keqe dhe shtimi në peshë janë pjesë e një cikli vicioz që rrezikon shëndetin jo vetëm të të...

Mix10 orë më herët

Përfitimet e pafundme nga lëngu i mandarinës

Kjo është stina e mandarinave. Ky frut i shijshëm pak më i vogël se portokalli mund të hahet në formën...

Mix11 orë më herët

Speci djegës – Si ta përdorni për shëndetin e zemrës

Speci i kuq djegës është përdorur prej mijëra vitesh kundër disa problemeve shëndetsore. Këtu përfshihet urthi, kllapia, sëmundjet e stomakut,...

Radar11 orë më herët

-Hej, Siri, a mund të më gjesh një mik të besueshëm?

Nga Ornela Çuçi “Popujt zakonisht i këndojnë virtyteve që nuk i kanë” më tha kolegia ime nga Kosta Rika në...

Mix11 orë më herët

Spotify publikon listën me këngët më të dëgjuara në historinë e saj

Aplikacioni muzikor Spotify ka ndarë një listë të 10 këngëve më të transmetuara në historinë e tij. Spotify është bërë...

Mix12 orë më herët

Andrea Toska, 14-vjeçari shqiptar që u shpërblye nga Samsung pasi zbuloi defektin në softuerin e tyre

Andrea Toska është një 14-vjeçar shqiptar, i cili ka arritur të zbulojë një defekt në softuerin e telefonave celularë Samsung...

Mix12 orë më herët

Qumështi i shtrydhur me pompë më pak i shëndetshëm sesa ushqyerja direkt nga gjiri?

Qumështi i gjirit i shtrydhur me pompë mund të mos jetë aq i shëndetshëm për fëmijët, sa qumështi i dhënë direkt nga...

Kioske12 orë më herët

Nëse nevojën për politikanë të rinj opozitarë do ta kishte përmbushur PD …

Nga Indrit Vokshi Partitë e reja Lulëzuan sepse degradoi PD-ja. Në raport me to, Fevziu, Sandri, Carlo, Vjollca, Irfani, Ylli,...

Mix13 orë më herët

Arsyeja absurde pse Mark Zuckerberg eliminoi fact checking nga Facebook

Lajmi për eliminimin e verifikimit të fakteve nga palët e treta nga rrjetet sociale Meta ka ngjallur jo pak komente...

Facebook