Tirana zyrtare pasive për shqiptarët e vdekur në burgjet greke

Aktualisht emigrantët shqiptarë përbëjnë 4 për qind të popullsisë në Greqi dhe 23 përqind në burgjet greke.

Sipas portalit të Ministrisë së Drejtësisë “Dikastiko.gr” në burgjet greke për 2018 kane vdekur 51 të dënuar, shumica e të cilëve shqiptarë.

Veçanërisht problematik paraqitet burgu i Korydallos.

Më poshtë, disa nga rastet e vdekjeve në burgjet greke, për të cilat mungon interesimi minimal i shtetit shqiptar.

10/01/2018. Një 45-vjeçar la frymën e tij të fundit ditën e Vitit të Ri në spitalin e burgut të Korydallos. I paraburgosuri me origjinë shqiptare kishte prerë venat dhe ishte transferuar në spitalin e burgut.

25 /01/2018, një i burgosur shqiptar në burgun e Trikallas u gjet i pajetë në qeli. Një natë më parë, gjendja shëndetësore e 35-vjeçarit ishte normale kur kishte shkuar për të fjetur. Ai u gjet i vdekur nga gardianët, ndërsa shkaqet janë ende mister sot e kësaj dite.

8/09/2018 Nje vrasje ne burgun e Korydallos që u mbajt fshehur nga autoritetet greke. Bëhet fjalë për 31-vjecarin Franko I. nga Vlora, i cili u vra ne prag te lirimit. Këtë njoftim e bën motra e tij duke kërkuar arsyen perse u vra vëllai i saj dhe pse hesht shteti shqiptar.

28/12/2018 Gjendet I vdekur ne qeli 33-vjeçari nga Vlora, Gëzim Shekaj, teksa mbahej në burg përtej afatit të përcaktuar nga gjykata në Greqi.

15/01/2019 Një shqiptar gjendet i varur ne komisariatin e policisë në Agio Nikolaos ne Kretë.

14 /01/ 2019 vritet në burgun e Korydalos, 36-vjeçari Albert Bako, i cili akuzohej për vrasjen e avokatit Zafiropoulos.

18/01/2019 gjendet i vdekur ne qelinë e burgut Korydallos në godinën D, një shqiptar 60-vjeçar nga Vlora

27 /01/2019 Gjendet i vdekur në qelinë e tij në burgun Korydallos në godinën E, i helmuar 33-vjeçari shqiptar Bardhyl Tusha, nga fshati Shelegar i Sarandës.

Veç vdekjeve në burgje, të burgosurit shqiptarë mbahen nga 1 deri ne 6 muaj më shumë nga dita e lirimit dhe askush nuk proteston për të drejtat e tyre.

Ambasada shqiptare në Athinë është pasive me rastet.