Ish-deputeti i Partisë Demokratike, Ervin Salianji, të martën, deklaroi se gazetarë të shumtë janë përgjuar për dosjen “Babale”.

I ftuar në studion e emisionit “Opinion” në Tv Klan, Salianji tha se vetëm gazetari Artan Hoxha nuk është pjesë e përgjimit, ndërsa gjithë të tjerët po.

Ai theksoi se në përgjime Fredi Alizoti flet që nga drejtori i policisë dhe shumë drejtorë të tjerë policie.

Sipas tij, Albert Veliu është vendosur në përgjim në datën 15, ndërsa në datën 19 është vendosur në përgjim Fredi Alizoti.

Ai tha se të gjithë njerëzit që fliste “Babalja” ishin në përgjim.

“Gjatë kohës që Babalja ka qenë këtu nuk deklarohej se ky ishte aktori.  Ky, Alizoti përmend emra politikanësh, si Gramozi, Taulanti etj… Drejtori i Policisë së Fierit nuk ka folur vetëm njëherë, ka qindra komunikime mes tyre. Unë i kam të gjitha me prova. Kjo është e datës 8 qershor, drejtori i policisë komunikon në 12 të natës. E merr drejtori në telefon. Kemi atë të datës 7 dhe ky i kërkon komunikim me shefin e madh, që është ose Veliu ose Xhafaj, nëse nuk merr lekët”,- tha Salianji.

Ai shtoi se në këtë hetim janë përfshirë 4 prokurorë, oficerë të policisë gjyqësore dhe vetëm Tan Hoxha nuk është aty në survejim, të gjithë gazetarët janë të përgjuar.

Salianji tregoi se është përgjuar edhe gazetarja e Top Channel dhe shumë gazetarë të tjerë.