Kryesore
Këngëtari Dashnor Diko, lavde për Balilin: Damkën të ta venë si të duan, po mirësinë tënde nuk ta hedh dot poshtë askush
Klement Balili ka vendosur të përballet me drejtësinë. Pas dy vitesh në arrati, ai është dorëzuar pranë policisë.
Balili rezulton një njeri me rreth të gjerë familjar e shoqëror si dhe me mbështetje politike.
Ku ka shumë para ka edhe miq.
Fluksi i parave, për të cilin akuza thotë që vjen nga trafiku i drogës, ka qenë i mjaftueshëm për të bërë dhe favore që disave u kanë mbetur në kujtesë.
Këngëtari Dashnor Diko përshembull ka dalë sot hapur në mbështetje të Balilit.
“Unë jam një nga ata të shumtë njerëz që mirësia juaj ka lënë gjurmë pozitive tek shumë artistë, në familje në nevojë, ne shtëpia e femijes ,ne fatkeqësitë e familieve, në punësimin e qindra njerëzve në zonen e Sarandës etj, damkën mund të ta vënë si të duan por mirësinë tënde nuk ta hedh poshtë askush, të uroj sa me shpejt kthim pranë familjes dhe pranë të gjithë njerezve që të duan , respekte nga Dashnor Diko”, shkruan ai.
Vazhdo leximin
Duhet të jeni i kyçur në mënyrë që të mund të lini një koment Kyçu