Lidhu me ne

Gatime

Këshillat e Blerina Bombaj: Ja cilat janë frutat më të mira për fëmijët

Janë gjashtë fruta; pjepri, boronica, portokalli, luleshtrydhet, kajsitë e thata dhe kivi, disa ndër më të mirat e frutave që duhet t’i bëni patjetër pjesë të dietës ushqimore për fëmijët tuaj
Të gjithë frutat janë të mirë, por disa prej tyre janë të pazëvendësueshëm për sasinë e shumtë të vitaminave, mineraleve dhe lëndëve të tjera ushqyese. Për këtë arsye këta gjashtë fruta janë ndër më të këshilluarit që t’ua jepni për konsum fëmijëve tuaj. Dietologia Blerina Bombaj ka listuar këtu pjeprin, boronicat, portokallet, luleshtrydhet, kajsitë e thata dhe kivin, disa ndër më të mirat e frutave që duhet t’i bëni patjetër pjesë të dietës ushqimore për fëmijët tuaj. Përveçse mund të konsiderohen burim lëndësh ushqyese, janë edhe një “minierë e vërtetë ari”, pasi forcojnë imunitetin e fëmijës, forcojnë kujtesën dhe shtojnë përqendrimin, po kështu largojnë sëmundje të ndryshme që rrezikojnë organizmin tonë.
Pjepri, 19 kalori në 100 gr
I pasur në elektrolite dhe vitaminë C, plot me beta karoten dhe ujë, ky është pjepri. Sa më e errët ngjyra e tij, aq më i ushqyeshëm është ai. Vajzat që hyjnë në moshën e pubertetit mund ta preferojnë pjeprin për shëndetin e lëkurës së tyre. Përmbajtja e lartë në ujë e pjeprit, i ruan fëmijët nga dehidratimi.
Boronicat, 57 kalori në 100 gr
Thesar i ushqimit, boronicat (veçanërisht ato të egrat), janë ndër armët më të fuqishme kundër stresit, infeksioneve, shpërqendrimit dhe agjentëve kancerozë. Me një nga antioksiduesit më të fuqishëm, ato zënë vend në majën e listës së ushqimeve me forcë antioksiduese. Ngjyra blu e tyre është përgjegjëse për forcimin e memories dhe shëndetit të trurit, sidomos për fëmijë që mësojnë fort. Boronicat mbështesin shqisën e shikimit gjithashtu. Konsumi i këtij fruti në vegjëli, përbën ngritjen e themeleve shumë të forta në parandalimin e sëmundjeve kardiovaskulare dhe kancerogjene në moshë të rritur.
Portokalli, 37 kalori në 100 gr
Ky frutë është burimi kryesor i vitaminës C, një lëndë ushqyese që përfshihet në pothuaj gjithçka – nga mbyllja dhe shërimi i plagëve, qetësimi i alergjive, parandalimi i sëmundjeve kardiovaskulare dhe kanceroze, si dhe shmangia e artritit dhe anemisë si pasojë e mungesës së hekurit. Portokalli, është burim shumë i rëndësishëm edhe i acidit folik, një vitaminë që luan rol kyç në formimin e ADN-së sonë dhe rruazave të kuqe. Portokallet ndihmojnë shumë fëmijët që kanë infeksione të mushkërive dhe azëm.
Luleshtrydhet, 27 kalori në 100 gr
Ky frutë i mrekullueshëm me ngjyrë të kuqe forcon zemrën, ul rrezikun e kancerit, përmirëson shikimin, parandalon alergjitë dhe qetëson dhimbjet. Luleshtrydhet janë plot me fibra dhe vitaminë C. Ky frutë është gjithashtu i shkëlqyer për fëmijë që mësojnë dhe janë para testeve apo provimeve, pasi forcon shumë memorien e ngjarjeve të fundit. Një ndër atributet më interesante të luleshtrydheve, është edhe mbrojtja kundër helikobakterit – një mikrob që shkakton ulcerë në stomak dhe predispozon për zhvillim kancerogjen të tij.
Kujdes! Mos blini luleshtrydhe jashtë sezonit apo nëse nuk jeni të sigurt që nuk janë spërkatur me pesticide, pasi janë ndër ushqimet me përthithshmëri shumë të lartë të tyre.
Kajsitë e thata, 158 kalori në 100 gr
Kajsitë e thata përmbajnë kalium, hekur, kalcium dhe betakaroten. Për fëmijët që nuk konsumojnë shumë ushqim, ky frutë i tharë është burim lëndësh ushqyese me dendësi të madhe në volum të vogël. Nëse fëmijët kanë ngërçe të shpeshta, merren me aktivitet fizik intensiv dhe janë në periudhë rritjeje të shpejtë, kajsitë e thata janë një zgjedhje ideale.
Kivi, 49 kalori në 100 gr
Ky frutë bën pjesë në familjen e manaferrave dhe farat e tij janë nga më të ushqyeshmet. Sipas një konstatimi të Kolegjit Amerikan të Ushqimit, kivi renditet në 27 frutat më të shëndetshëm për fëmijët, duke qëndruar mbi mollët, bananet dhe pjeshkat. Një kivi në ditë, mund të korrigjojë një dëmtim të një sekuence të ADN-së, e cila përcjell informacionin gjenetik, një dëmtim i cili mund të ketë pasoja fatale. Fëmijët që konsumojnë kivi shpesh, vuajnë shumë më pak nga vështirësia në frymëmarrje, kolla e natës dhe rrufa. Pra, shprehja “një mollë në ditë, mban doktorin larg”, sot është bërë “një kivi në ditë, mban doktorin larg”.
Kos me fruta për mëngjes – një vakt i kompletuar për fëmijët
150 ml kos natyral
2 lugë të mëdha tërshërë
2 lugë të vogla fara chia
½ kivi ose 3-4 luleshtrydhe të stinës
2 kajsi të thata të prera në copëza të vogla
pak lëkurë portokalli të grirë (portokall vendi)
2 lugë të vogla arrë kokosi të grirë
1 arrë të thërrmuar
1 lugë të vogël mjaltë ose 1 lugë reçel boronice 
Përgatitja:
Përzieni kosin me tërshërën dhe e lini gjithë natën në frigorifer.
Në mëngjes i shtoni mjaltin dhe e përzieni që të shkojë në mënyrë të njëtrajtshme. I shtoni gjithë përbërësit e tjerë dhe është gati.
Vazhdo leximin
Kliko të komentosh

Duhet të jeni i kyçur në mënyrë që të mund të lini një koment Kyçu

Përgjigju

MË TEPËR

Mix11 minuta më herët

Elon Musk ‘harron’ djalin e tij në një event të Trump, videoja bëhet virale

Një video ku shihet miliarderi dhe CEO i Tesla dhe SpaceX, Elon Musk, duke u larguar nga një event i...

Mix15 minuta më herët

Sa duhet të jetë diferenca në moshë mes partnerëve, që marrëdhënia të zgjasë

Kur filloni të takoheni me dikë, ju merrni në konsideratë një sërë faktorësh për të kuptuar nëse përputheni me njëri-tjetrin...

Mix18 minuta më herët

Këta emra (agresivë) fëmijësh po alarmojnë ekspertët

Prindërit zgjedhin emrat e fëmijëve nga shumë burime: tradita familjare, vende gjeografike, ushqime të preferuara apo edhe marka të njohura....

Mix22 minuta më herët

“The Gorge”, filmi që duhet ta shohësh patjetër!

Para se të ankohesh dhe të thuash që nuk ka më filma të mirë, më lejo të të them që...

Mix26 minuta më herët

Ja emrat e vërtetë të banorëve të “BBVA-4” – disa do t’ju habisin!

I keni dëgjuar gjithë kohës me pseudonime, por a e dini si quhen në të vërtetë banorët e “Big Brother...

Mix40 minuta më herët

Si të visheni mirë çdo ditë? 5 “Uniformat e modës” që zgjidhin çdo dilemë stili!

çfarë duhet të vesh sot? Këtu është pyetja që na mundon çdo mëngjes teksa zgjohemi dhe shikojmë pranë dollapit. Mes...

Mix42 minuta më herët

100 vjet FENDI! Fakte që duhet t’i dini!

100 vjet FENDI Stili i Fendi-t është një përzierje delikate e klasit dhe elegancës, historisë italiane, me elemente baroke dhe...

Mix45 minuta më herët

Ja pse debatojmë në çift bazuar në shenjën e horoskopit!

Problemi nuk është aq shumë vetë konflikti, por tendenca për të përsëritur gjithmonë të njëjtat modele, për të grindur për...

Radar49 minuta më herët

10 gratë më të votuara në Zgjedhjet Parlamentare të 2025 në Kosovë

Komisioni Qendror i Zgjedhjeve (KQZ) ka bërë të ditur rezultatet e pjesës më të madhe të votave të numëruara, duke...

Mix51 minuta më herët

Kush do të jetë James Bond i ri?

Kush do të jetë agjenti i ardhshëm 007? Kjo është pyetja që ka ngjallur debat të madh pasi Amazon ka...

Facebook