Statistikat befasuese të Zidane dhe emrat që mund t’i zënë vendin

Zinedine Zidane ka shokuar botën e futbollit pasi deklaroi se jep dorëheqjen si trajner i Realit të Madridit.

Deklarata e tij erdhi pak ditë pasi Reali fitoi titullin e tretë radhaz të Ligës së Kampioneve.

Francezi është i treti në histori që ka fituar tre kupa europiane, por është i pari që e bën tre herë rresht.

Në dy vite e gjysmë drejtim te Reali i Madridit, ai ka fituar 9 trofe ose e thënë ndryshe nga një trofe për çdo 16.5 ndeshje.

Zidane mori drejtimin e ekipit në janar të vitit 2016, pas shkarkimit të Rafa Benitez.

Ai e ringjalli ekipin, që fitoi titullin e Ligës së Kampioneve.

Sezoni tjetër ishte më i suksesshëm për 45-vjeçarin, që fitoi Ligën e Kampioneve, Superkupën e UEFA-s dhe Kupën e Botërorit të Klubeve.

Sezonin e tretë ai fitoi vetëm Ligën e Kampioneve.

Bastexhinjtë kanë nisur që tani të spekulojnë se kush do e pasojë në krye të Realit.

I pari në listën e bastexhinjve është Arsene Wenger.

Pas tij vjen Antonio Conte.