Arrihet marrëveshja, “Republika Veriore e Maqedonisë”  

“Republika Veriore e Maqedonisë” është emri i dakordësuar mes ministrit të jashtëm grek, Nikos Kotzias dhe homologut maqedonas Nikola Dimitrov. Megjithatë fjalën e fundit do ta kenë dy kryeministrat Aleksis Csipras dhe Zoran Zaev.

Mediat greke raportojnë se ka një marrëveshje edhe për gjuhën, e cila do quhet “maqedonase”, ndërsa inicialet e FYROM në marrëdhëniet ndërkombëtare do të jenë MK. Edhe pse “Republika Severna Makedonija” konsiderohet si varianti final në tryezë, formalisht janë edhe emërtimet  “Maqedonia e Re” dhe “Maqedonia e Epërme”.  Megjithatë emri nuk është problemi më i madh që të dy palët duhet të zgjidhin.

Marrëveshja duhet do të pranohet nga të dy vendet. Në Greqi përmes një votimi të zgjeruar në parlament dhe në Shkup nëpërmjet një referendumi. Datat e mundshme për referendumin në Maqedoni janë ditët e para të shtatorit. Deri atëherë, megjithatë, ka hapa të tjerë pasi. Greqia do të dërgojë në NATO një letër që heq veton për pranimin e vendit fqinj në Aleancë, nëse Shkupi i nënshtrohet një rishikimi kushtetues.

Dhe e gjithë kjo nën kujdesin e SHBA dhe Evropës, të cilët janë të ngutshëm për zgjidhjen e mosmarrëveshjeve sa më shpejt të jetë e mundur. Dhe ndoshta disa kanë të drejtë të lidhin çështjen e Shkupit me zhvillimet në ekonomi dhe negociatat me kreditorët për mbikëqyrjen e borxheve të Greqisë.