100 kuriozitete mahnitëse

Dakord, fjala “do iu luajnë mendsh” është pak dramatike. Por 100 faktet mahnitëse të përzgjedhura nga “Podiumi.com” do iu bëjnë të dukeni më të ditur dhe se miqtë e juaj dhe në këtë mënyrë edhe më interesantë.

A e dinit se:

1- Gjermania është një nga vendet me më shumë kështjella në botë. Janë më shumë se 25 mijë kështjella, nga të cilat disa janë thjesht rrënoja, disa të tjera janë hotele, por shumica janë zaptuar nga të pasurit. Por, pse Gjermania ka kaq shumë kështjella? Sepse gjatë periudhës së Mesjetës vendi ishte i ndarë në shtete konkurruese feudale dhe principata, dhe kjo ka inkurajuar ndërtimin e kështjellave të sigurta dhe të fortifikuara në Gjermani.

2- 98 përqind e të gjitha vrasjeve dhe përdhunimeve janë kryer nga një anëtar i familjes apo mik i ngushtë i viktimës.

3- Deklarata e Pavarësisë së SHBA-së është shkruar në një letër të prodhuar nga gjethet e marijuanës.

4- Përgatisni veten për emrin më të gjatë. Një fshat në Uells ka një emër me 58 shkronja, emri më i gjatë në Europë (i përbërë nga vetëm një fjalë). Emri i fshatit është “Llanfairpëllgëyngyllgogerychëyrndrobëllllantysiliogogogoch” i cili do të thotë: “Kisha e Shën Mërisë në gropën e lajthisë së bardhë afër shtjellës së pjerrët të kishës së Shën Tysilios të shpellës së kuqe”.

5- Llogaritet se në çdo kohë, mesatarisht rreth 0.7 përqind e popullsisë së botës, është e dehur.

6- “Statuja e Lirisë” është ndërtuar në Francë. “Statuja e Lirisë”, ndoshta monumenti më i famshëm i botës, është dizajnuar nga Fredric Bartholdi dhe i është dhuruar zyrtarisht SHBA-ve nga populli francez, me rastin e 100-vjetorit të Revolucionit që solli çlirimin e kolonive nga Britania e Madhe.

7- Lufta më e shkurtër në histori u zhvillua mes Zanzibarit dhe Anglisë në vitin 1896. Ajo zgjati vetëm 38 minuta, para se Zanzibari të dorëzohej.

8- Monarku më jetëgjatë në histori ishte Pepi II, i cili sundoi Egjiptin për 90 vjet me rradhë ne vitet 2566-2476 Para Erës Sonë.

9-Shteti i Vatikanit është shteti më i vogël në botë (0.44 km2). Ndërsa Rusia është shteti me sipërfaqen më të madhe në botë (17.098.242 km2).

10- Shumë njerëz që shërbenin si roje përgjatë Murit të Madh të Kinës në Mesjetë, e kaluan gjithë jetën e tyre aty. Ata lindën, u rritën dhe u martuan aty. Madje edhe  vdiqën aty, dhe u varrosën edhe brenda murit.

11- Bomba e parë e hedhur në Gjermani në Luftën e Dytë Botërore, vrau elefantin e vetëm që ndodhej në kopshtin zoologjik të Berlinit.

12- Në Greqinë e Lashtë, nëse një grua guxonte që të shikonte edhe një ngjarje të vetme olimpike ekzekutohej me vdekje.

13- Në Romën e Lashtë, konsiderohej si shenjë e lidershipit të lindur një person me hundë të shtrembër.

14- Shumica e gjenive janë evropianë. Shumë filozofë të mëdhenj, të tillë si Platoni, Aristoteli, Sokrati etj., vijnë nga Europa. Po ashtu nga kontinenti i vjetër vijnë edhe shkencëtarë si Ajnshtajni, Galileoja dhe Njutoni. E njëjta gjë mund të thuhet edhe për muzikantët si Moxarti dhe Bethoveni

15- Perandori romak Kaligula ishte aq i mërzitur nga vdekja e motrës së tij Drusila saqë vendosi një vit të zi. Gjatë kësaj kohe, për të gjithë në perandori ishte e ndaluar të darkonte me familjen e tij, qeshte apo bënte banjë. Ndëshkimi për këto shkelje ishte vdekja.

16- Në Egjiptin e Lashtë, macet cilësoheshin të shenjta. Kur një mace në një familje ngordhte, e gjithë familja do të rruante vetullat dhe qëndronin në zi derisa ato të rriteshin përsëri.

17-  Në zjarrin e madh të Londrës në vitin 1666, që shkatërroi 13.200 shtëpi, 87 kisha, Katedralen e Shën Palit dhe la 70.000 të pastrehë, pati vetëm 8 viktima.

18- Nëna e ish-kryeministrit legjendar britanik Uinston Çërçill, ishte me prejardhje nga Indianët e Kuq.

19- Gjatë shekullit XVII-të, Sulltani i Turqisë urdhëroi që të gjitha gratë e haremit të tij të mbyten, dhe të ndërtohej një harem i ri.

20- Katërmbëdhjetë milionë njerëz u vranë në Luftën e Parë Botërore, njëzet milionë vdiqën në epideminë e gripit në vitin që pasoi.

21-  Sa njerëz kanë jetuar në Tokë?

Çdo ditë lindin 200.000 veta, 2 njerëz vdesin në çdo sekondë. Deri tani në Tokë mendohet se kanë jetuar 106 miliardë njerëz. Deri në vitin 2050-të në Tokë do të ketë 9.2 miliardë njerëz.

22- Vendi më i nxehtë në Tokë? Ndoshta keni dëgjuar se është Lugina e Vdekjes në Kaliforni. E vërtetë në shumë ditë, por El Azizia në Libi regjistroi temperaturën prej 57.8 gradë Celsius në 13 shtator, 1922, temperatura më e lartë e matur ndonjëherë. Në Luginën e Vdekjes shkoi 57 gradë Celsius më 10 qershor, 1913.

23- Po vendi më i ftohtë?

Shumë larg prej këtu, temperatura më e ftohtë e matur ndonjëherë në Tokë ka qenë -89 gradë Celsius në Vostok, Antarktikë, më 21 qershor, 1983.

24- Parlamenti i Islandës, është më i vjetri ende në funksionim në botë. Ai ekziston që nga viti 930.

25- Forca Ajrore e SHBA-së (atëherë pjesë e korpusit të ushtrisë) kishte vetëm 18 pilotë dhe 12 avionë të dobishëm në fillim të Luftës së Parë Botërore.

26- Napoleon Bonaparti u sulmua një herë nga disa lepuj.

27- Lufta më e çuditshme në histori, është regjistruar ndërmjet Holandës dhe Ishujve Shili. Ajo zgjati nga viti 1651 deri në 1986, duke e bërë atë luftën më të gjatë që ka ekzistuar ndonjëherë, dhe ku nuk pati asnjë viktimë.

28- Të gjithë qentë janë pasardhës të ujkut. Këto ujqër jetuan në Azinë Lindore rreth 15.000 vjet më parë.

29- 7. Shërbimi Sekret Amerikan u krijua për herë të parë në vitin në 1865, me qëllimin specifik për të luftuar falsifikimin e parave.

30 – Dinastia Han e Kinës kreu shpime për gaz natyror, e transportoi atë në tubacionet dhe kontenierët e gazit dhe e përdori për t’u ngrohur në soba … dhe e gjitha kjo në vitin 200 para Krishtit.

31- Posta shpërndahej 12 herë në ditë në Londrën e Mbretëreshës Viktoria në shekullin XIX, me përgjigjet e menjëhershme dhe shpesh të pritura. Prandaj, njerëzit mërziteshin nëse letrat nuk pranoheshin brenda disa orësh.

32- E purpurta është e njohur gjerësisht si një ngjyrë “mbretërore”, sepse qindra vite më parë kur njerëzit mbështeteshin vetëm tek ngjyrat natyrale, e purpurta u zbulua nga kërmijtë e detit. Procesi i nxjerrjes dhe prodhimit mund të përballohej financiarisht vetëm nga monarkët. Për të krijuar një ide sesa i shtrenjtë është, kini parasysh që një onc ari aktualisht kushton 1.200 dollarë. Ndërsa një ons Tyrian ngjyrë e purpurt ka një çmim prej rreth 100.000 dollarësh.

33- Një tregtar romak që shiste bizhuteritë të rreme u dënua për t’u përballur me një luan në arenën e gladiatorëve. Kur më në fund porta u hap, prej aty doli një pulë. Perandori Galienus tha:”Meqë ai mashtronte të tjerët, unë vendosa të ndëshkoj me një tjetër mashtrim”.

34- Për shkak se metalet ishin me pakicë, çmimet Oskar të dhënë gjatë Luftës së Dytë Botërore u bënë prej druri.

35- Brenda 10 minutash, një stuhi liron më shumë energji, sesa të gjitha armët bërthamore të botës të marra së bashku.

36- Shanset që një vjedhje në Shtetet e Bashkuara të zbardhet janë 1 në 7.

37- Eshtra e kofshës së njeriut është më e fortë sesa betoni.

38- Nëse NASA do të dërgonte zogj në hapësirë ata do të vdisnin shume shpejt, pasi kanë nevojë për gravitetin gjatë gëlltitjes së ushqimit.

39- 10. Më shumë se 2.500 njerëz mëngjarashë vriten çdo vit nga përdorimi i produkteve, që janë prodhuar për njerëzit që përdorin dorën e djathtë.

40- Gjatë jetës tuaj, ju do të hani rreth 27 mijë kg ushqim, dhe kjo është sa pesha e rreth 6 elefantëve.

41- 5. Çdo njeri sheh mesatarisht mbi 1460 ëndrra në vit.

42- Acidi i stomakut të njeriut mund të shpërbëjë edhe metalin.

43- Vetëm 30 përqind e veprave të vjedhura të artit, me vlerë mbi 1 milionë dollarë secila, është arritur të gjendet.

44-Pa gishtin e vogël, njeriu do të humbte 50% të fuqisë së dorës.

45– Dhëmbët e njeriut janë po aq të fortë sa dhëmbët e peshkaqenit.

46- Departamenti i Policisë në Nju Jork, ka një buxhet vjetor prej 3.3 miliardë dollarësh, më të madh se 19 të ushtri të botës të marra së bashku.

47- Ketchup u shit për herë të parë në vitin 1830 si ilaç.

48- India ka Kartën e të Drejtave të Lopëve. Këto të fundit, sipas fesë hindu cilësohen të shenjta.

49- Gjumi është shumë i rëndësishëm për njeriun. Mund të rezistoni me javë të tëra pa ushqim, por thjesht 11 ditë pa gjumë fare dhe ju bini në gjumë përgjithmonë.

50- Në Angli, është e jashtëligjshme të vdesësh në Dhomat e Parlamentit.

51- Në Hong Kong, një bashkëshorte e tradhtuar ka të drejtë ta vrasë bashkëshortin tradhtar, në qoftë se e kap me presh në duar. I vetmi kufizim që i vihet është që vrasjen ta kryejë me duar dhe jo me ndihmën e ndonjë arme. Ndërsa sa i përket të dashurës, sipas ligjit edhe atë mund ta vrasë, me çdo lloj mënyre që dëshiron.

52- American Airlines kurseu plot 40 mijë dollarë në vitin 1987, vetëm duke hequr nga një kokër ulliri nga pjata e sallatës që servirej klasin e parë.

53- Ekzistojnë plot 318.979.564.000 kombinime të mundshme në 4 lëvizjet e para në lojën e shahut.

54- Gjysma e të gjitha plaçkitjeve bankare janë kryer ditën e premte.

55- Libri i Rekordeve Gines, mban rekordin e të qenit libri më shpesh i vjedhur nga bibliotekat.

56- Çdo vit ju ndani ditëlindjen tuaj me të paktën 9 milionë njerëz të tjerë në mbarë botën.

57- Kënga e parë për dashurinë është shkruar 4 000 vjet më parë dhe vjen nga një zonë midis Tigrit dhe Eufratit.

58- Rreth 11 për qind e grave kontrollojnë menjëherë “online” për të parë të dhënat e një personi që e kanë takuar ose që presin ta takojnë, kundrejt 7 për qind të meshkujve.

59- Njerëzit tentojnë të kthejnë më shumë kokën në të djathtë se sa në të majtë kur puthin dikë (65 për qind e njerëzve e kthejnë kokën në të djathtë).

60- Në Siena të Italisë gratë me emrin Maria nuk lejohet të punojnë si prostituta.

61- Tradita e unazës së fejesës ka ardhur që në shekullin e 15-të, kur Duka Maximillian i Austrisë i dha një unazë të fejuarës së tij Mary nga Burgundy.

62- Në shumë vende të Lindjes së Mesme është e lejuar marrëdhënia seksuale me dhitë, por me kusht që pas marrëdhënies ajo mos të hahet.

63- Në Kaliforni, Nju Meksiko, Dakotën e Jugut, Florida, Utah, Marilend dhe Rhode Island ekziston një ligj që ndalon seksin oral. Ndëshkimi është i ndryshëm në çdo shtet, por ai më i rëndi është në Florida, ku dënimi mund të shkojë deri në 20 vjet burg.

64- Aeroporti Ndërkombëtar i Filadelfias mbahet si numri 1 për lidhjet e dashurisë gjatë kohës së pritjes.

65- Mjekra e burrave rritet më shpejt kur ata mendojnë për seks.

66- Verona, qyteti italian ku u luajt vepra e Shekspirit “Romeo dhe Zhulieta”, merr rreth 1000 letra çdo vit në adresë të Zhulietës.

67- Emri i plotë i Los Angeles në SHBA është “El Pueblo de Nuestra Señora la Reina de Los Angeles de Porciuncula”. Fatmirësisht ka qenë e mundur që emri të shkurtohet në 3.63 përqind të madhësisë së tij origjinale:LA

68- Vetëm një kafshë, përveç njeriut mund të pësojë djegie nga ekspozimi i gjatë në diell: derri.

69- Balena Blu mund të prodhojë tinguj mbi 188 decibel. Kjo është zhurma më e madhe, e prodhuar nga një kafshë dhe që mund të gjurmohet deri 530 milje detare larg.

70- Presidenti i 20-të i Shteteve të Bashkuara të Amerikës, James Garfield, ishte në gjendje të shkruante greqisht me një dorë dhe latinisht me tjetrën, në të njëjtën kohë.

71- Studimet kanë zbuluar se në sipërfaqen e parave që qarkullojnë çdo ditë dorë më dorë ekzistojnë rreth 93 lloje bakteresh.

72- Në Francë, është e ndaluar t’i vësh një derri emrin Napoleon.

73- Në Indonezi, kushdo që kapet në flagrancë ndërsa masturbohet, i pritet koka!

74- Koka e çdo balene të ngordhur e gjetur në bregdetin britanik është ligjërisht pronë e Mbretit; bishti, i përket Mbretëreshës, nëse i duhen kockat për korsenë.

75- Evropa, teknikisht nuk është kontinent. Ndarja e saj nga Azia ishte në fakt ide e grekëve.

76- Italianët nuk pinë kapuçino pas orës 11:00.

77- Në Berlin ka më shumë restorante Doner Kebap se sa në Stamboll.

78- Ndërtimi i Kishës Sagrada Familia në Barcelonë ka zgjatur më shumë se ndërtimi i piramidave (ndërtimi i kësaj kishe ka filluar në vitin 1882 dhe ende nuk ka përfunduar).

79- Vendi më i vizituar në Evropë, është Disneyland në Paris.

80-Vetëm 1% e artefakteve  të mbajtur në Muzeun Britanik në të vërtetë janë ekspozuar për publikun.

81- 9. Nuk do ta besoni, por tualeti më i lartë në Evropë gjendet në Mont Blanc, 4.200 metra mbi nivelin e detit!

82-  Belgjika ka rrjetin më të dendur hekurudhor në botë (113.8 km / 1.000 km2).

83-  Bullgaria është shteti më i vjetër në Evropë që nuk e ka ndryshuar emrin që nga viti 681 i erës sonë.

84 – E keni menduar ndonjëherë që 40% e popullsisë së Greqisë jetojnë në kryeqytetin e saj, Athinë.

85- Në Islandë nuk ka asnjë mushkonjë!

86- Epoka e Errët në Evropë ka zgjatur dy herë më shumë sesa koha që kur Shtetet e Bashkuara  janë bërë komb.

87- Rusia ka mbi 13.000 fshatra të pabanuara.

88- 40% e sipërfaqes së tokës së Evropës i takon Rusisë.

89- Ndërtimi i Kullës së Pjerrët të Pizës ka zgjatur më shumë se 200 vjet.

90- Kroasanti është shpikur në Austri, dhe jo në Francë!

91- Grenlanda është ishulli më i madh në botë.

92- Vetëm brenda një jave në shkallët e metrosë së Londrës lëvizin aq njerëz sa do të përshkrohej një gjatësi sa dy herë perimetri i Tokës.

93- Në aeroportin e Brukselit shiten më shumë çokollata sesa në çdo vend tjetër në botë!

94- Nëse për përbindëshin Lochness të Skocisë keni lexuar në libra, e keni parë në filma dhe ju duket e pabesueshme që të jetë i vërtetë. Skocia çdo vit gjeneron rreth 7 milionë euro nga turistët.

95- Nga Spanja në Afrikë mund të arrihet me traget vetëm për gjysmë ore,madje brigjet e kontinentit Afrikan duken edhe me sy të lirë.

96- Lihtenshtajn është një shtet shumë i vogël. Gjatë angazhimit të fundit ushtarak në 1866 ata kishin dërguar në Itali rreth 80 ushtarë, ndërsa ishin kthyer 81 ushtarë. Duket se në Itali kishin gjetur një mik!

97 –  Në St. Louis, Misuri, SHBA, është ende ilegale që një zjarrfikës të shpëtojë gratë që janë ende me këmishë nate.

98- Në qershor të vitit 2013, një mace kriminele u arrestua nga policia ruse pasi u kap duke u përpjekur të fuste telefona celularë dhe ngarkues në një burg rus. Macja tepër e aftë për t’u ngjitur nëpër mure nuk arriti t’i shpëtojë syrit të policëve.

99- Në vitin 2009, policia në Nigeri ndaloi një cjap mbi dyshimin e një grabitjeje të armatosur në tentativë. Disa persona e morën cjapin dhe e çuan në polici duke thënë se ishte një grabitës i armatosur që kishte përdorur magjinë e zezë për të transformuar veten në cjap e për t’i shpëtuar arrestimit.

100-Besojeni apo jo, në vitin 2011, autoritetet në Pakistan arrestuan një majmun që po kalonte kufirin nga India. Banorët lokalë në fillim u përpoqën ta kapnin majmunin, por arriti t’i ikte. Ishin autoritetet ato që e neutralizuan kafshën.