Jep efektet e para fushata antiruse e PS  

Mesa duket ka dhënë efektet e para politike fushata antiruse e Partisë Socialiste dhe kryetarit të saj. Akuzat për lidhje të Partisë Demokratike dhe kryetarit të saj me Kremlinin kanë shkaktuar tërmet politik në Këshillin Bashkiak të Belshit. Duke mos pranuar këtë situatë 3 këshilltarë të LSI, 1 i PLL dhe 1 i Ballit Kombëtar i janë bashkuar  PS-së.

Në një deklaratë për shtyp këshilltarët  u shprehen  se kur garuan për LSI ata ishin të bindur në  se koalicioni i Ilir Metës ne Berishën në 2009 ishte thjesht një gabim rastësor, që ishte harruar e nuk do të përseritej më kurrë.

“Por ja ku jemi, 8 vjet me vone, e serish LSI eshte ne koalicion me Partine Demokratike, duke punuar jo vetem kunder te majtes, por duke kundershtuar pa asnje sens cdo gje te mire qe eshte bere ne 5 vitet e fundit.”- thuhet në deklaratën e tyre.

Çuditërisht, selia qëndrore e Partisë Socialiste dhe kryeministri ka rralluar deklaratat për kontratat e lobimit të PD-së dhe lidhjet e Lulzim Bashës me spiunazhin rus. Nuk dihet nëse kjo ka lidhje me takimin e kryetarit të PD-së me ambasadorin amerikan apo me ndonjë zhvillim tjetër.