Pastrimi i veshit tek bebet

Dylli i veshëve është barrierë natyrore, mbrojtëse nga tingujt, infeksionet, pluhurat, insektet dhe lëndimet. Kështu që jo në të gjitha rastet ai duhet eliminuar.

Por nga ana tjetër nuk mund të mos e pastrojmë veshin për ditë të tëra me radhë. Pastrimi i kanalit të veshit me shkop higjiene për veshë nuk është i preferueshme, ajo mund të shkaktojë mbylljen e veshit, ndezjen deri te pëlcitja e timpanit.

Por situata bëhet më e vështirë kur përpara kemi një bebe. Nëse i futni shkopinjtë në vesh, vetëm do të futni dyllin më thellë në veshët e foshnjës ose fëmijës. Në vend të kësaj, thjeshtë pastroni pjesët e jashtme të veshëve, me vatë të lagur apo të kremosur lehtë.

Prandaj, asnjëherë mos futni shkopinjtë apo diçka tjetër në kanalin e veshit. Shumë lehtë mund të dëmtoni cipën e timpanit të veshëve. Dylli është mbrojtja natyrale e kanalit të veshit dhe zakonisht nuk ekziston nevoja që ta pastroni.

Por, nëse ju shqetëson sasia e madhe e dyllit në veshët e foshnjës, konsultohuni me mjekun.

Nëse është mbledhur sasi aq e madhe sa që mjeku nuk mund ta sheh timpanin e veshit, atëherë mjeku do t`ia largojë atë. Në të kundërtën, dylli do të largohet vetvetiu.