Kryesore
Letra e Einstein për sekretin e lumturisë shitet për 1.56 milion $
Një shënim i fizikantit Albert Einstein (Albert Ajnshtajn) mbi sekretin e lumturisë, u shit në Jeruzalem për 1,56 milionë dollarë, ndërkohë që më parë ishte vlerësuar rreth 5 000-8 000 dollarë, theksoi shtëpia përgjegjëse e ankandeve.
“Personi që bleu dokumentin nëpërmjet telefonit është një europian, i cili ka kërkuar të ruajë anonimatin”, theksoi ajo.
Nga oferta e parë prej disa mijëra dollarësh, shitja ka arritur majat gjatë 20 minutave, me dy blerës potencialë duke diskutuar nëpërmjet telefonit për letrën e verdhë që mbante shkrimin e njeriut të madh.
“Një jetë e qetë dhe modeste sjell më shumë gëzim sesa kërkimi i suksesit, që nënkupton një shqetësim të përhershëm”, kishte shkruar Einstein në gjermanisht në letrën me kokë të “Imperial Hotel de Tokyo”, ku ai qëndroi në vitin 1922.
Vazhdo leximin
Duhet të jeni i kyçur në mënyrë që të mund të lini një koment Kyçu