Basha jolegjitim, u vetshpall kryetar i PD

E ftuar në emisionin”Oktapod”, ish-deputetja e PD dhe ish-ministrja e Integrimit, Majlinda Bregu ka sulmuar kreun aktual të PD, Lulzim Basha.

Sipas Bregut, Lulzim Basha u vetshpall kryetar i Partisë Demokratike, në një proçes zgjedhor që nuk repsektoi as standardet më minimale të një gare demokratike.

Basha është kryetar jolegjitim, sepse u zgjodh nga një proçes jolegjitim, ku nuk u respektuan as standardet më minimale të një gare të drejtë”- tha Majlinda Bregu.

Majlinda Bregu tha se kritikët e Bashës kërkojnë që Partia Demokratike të kthehet në shinat normale politike, dhe kjo sipas saj mund të bëhët vetëm me zgjedhje normale dhe demokratike.

Bregu tha se pas humbjes katastrofike në zgjedhjet e 25 qershorit, minimalja që duhej të bëntë Basha duhej të jepte dorëheqje nga posti i kryetarit dhe të garonte si një anëtar normal i Partisë Demokratike.

“Nuk hyhet në proçes zgjedhor duke mbajtur akoma kapelen e kryetarit”- u shpreh ish-ministrja Bregu.

Gjithashtu Bregu tha se qëllimi i platformës për ringritjen e PD nuk është rrëzimi i Bashës, por ringritja e PD me një proces normal zgjedhor.

“Zgjedhjet në PD duhej të ishin normale dhe kandidatët të zhvillonin një garë normale dhe të zgjidhej më i miri, por unë sot nuk mund të them që dot sot se kreu aktual është më i miri nga kadidatët të cilët garuan për postin e kreut të PD”.-tha ndër të tjera Bregu