Kryesore
Kuotat e pranimit në 12 universitetet publike 2017-2018
Ndarja e plotë e kuotave për fakultetet e Universitetit të Tiranës, Politeknikut, Mjekësisë, Bujqësorit, Universitetit të Vlorës, Shkodrës, Korçës, Gjirokastrës, Durrësit, Elbasanit, Universitetit të Arteve dhe atij të Sporteve
Pranvera Kola – DITA
Të gjithë maturantët dhe kandidatët e viteve të shkuara që rikthehen sërish në garë për studimet e larta, të cilët nuk kanë mundur të aplikojnë për universitetin nëpërmjet plotësimit online të formularit të preferencave në afatet e caktuara për qytetin e tyre, mund ta kryejnë këtë proces edhe gjatë ditëve në vijim duke u paraqitur vetë pranë drejtorive të arsimit të rrethit të tyre.
Gjithashtu, autoritetet e Qendrës së Shërbimit të Arsimit bëjnë me dije se janë lënë në dispozicion për të aplikuar edhe datat 28-29 korrik, të cilat janë lënë si dy ditë rezervë, për të gjithë kandidatët që për arsye të ndryshme nuk plotësuan dot në kohë formularin me 10 degët më të preferuara.
Për të shuar ankthin e dhjetëra-mijëra maturantëve në lidhje me mundësitë që kanë për të fituar studimet e larta në një nga programet e tyre të preferuara, universitetet kanë zbardhur edhe kuotat e pranimeve për të gjitha programet e studimeve që do të ofrojnë përgjatë vitit të ri akademik 2017-2018.
Në tabelat bashkangjitur shkrimit do të gjeni të detajuar, ndarjen e plotë të kuotave për të gjitha programet studimore të fakulteteve në të 12 universitetet publike të vendit.
Lidhur me skemën e pranimeve, autoritetet e arsimit sqarojnë se krahas notës mesatare të shkollës së mesme dhe provimeve të maturës, rol vendimtar në shpalljen e fituesve do të luajnë edhe mesataret e grup-lëndëve, të cilat janë përcaktuar si prioritet për çdo degë studimi.
Sipas kushteve të vendosura nga MAS, çdo kandidat ka të drejtë që gjatë aplikimeve të regjistrojë deri në 10 degë të preferuara, e nëse fiton në më shumë se një prej tyre, mund të zgjedhë vetë më pas se në cilin fakultetet do të bëjë regjistrimin për të zyrtarizuar statusin e studentit.
Regjistrimi i degëve online për garën e raundit të parë do të mbarojë gjatë kësaj jave, përkatësisht në datën 29 korrik. Për studimet e larta mund të aplikojnë online vetëm kandidatët që kanë mesatare të shkollës së mesme mbi notën 6.
Ndërsa për maturantët dhe kandidatët që dëshirojnë të aplikojnë pranë Universitetit të Mjekësisë Tiranë, nota mesatare për programet e studimit të Fakultetit të Shkencave Mjekësore Teknike duhet të jetë më e madhe ose e barabartë me 8. Për programet Mjekësi e Përgjithshme, Farmaci dhe Stomatologji duhet te jetë më e madhe, ose e barabartë me 8.5.
Pra për ato maturantë dhe kandidatë që nuk plotësojnë këto kushte të notave mesatare të llogaritura sipas vendimit përkatës të qeverisë, programet respektive nuk shfaqen në formularin që ata do të plotësojnë dhe për rrjedhojë ata nuk mund ti përzgjedhin këto programe studimi.
Për rastet kur mesatarja e hedhur në sistem është më e vogël se 6, gjatë plotësimit të formularit të preferencave këtij maturanti do t’i shfaqet vetëm lista me programet e studimit dy vjeçare me karakter profesional që universitetet publike apo private ofrojnë për vitin akademik 2017-2018. Kjo kategori maturantësh do të plotësojë formularin vetëm me këto programe studimi 2-vjeçare duke ndjekur hapat që shpjeguam më lart.
Të gjitha të dhënat e mbledhura nga aplikimet online do t’u kalojnë universiteteve, të cilat në varësi të kritereve të përcaktuara do të shpallin edhe maturantët fitues, të cilët do mund të vijojnë studimet e larta të ciklit të parë në degët e tyre. Sipas të dhënave të bëra publike, Qendra e Shërbimeve të Arsimit bën me dije se në garën e këtij viti maturantët mund të konkurrojnë për studimet në rreth 450 programe të ndryshme, prej të cilave 292 janë pjesë e universiteteve publike, ndërsa 158 janë degët e studimit të strukturave private të arsimit të lartë, qofshin këto universitete, kolegje profesionale, etj.
UNIVERSITETI I TIRANËS
Fakulteti Histori Filologji
Programi i studimit Kuotat
Histori 180
Gjeografi 180
Gjuhë letërsi 180
Gazetari 120
Arkeologji 120
Fakulteti i Shkencave të Natyrës
Biologji 100
Bioteknologji 100
Kimi 100
Kimi industriale dhe Mjedisore 100
Kimi dhe teknologji ushqimore 100
Matematikë 100
Fizikë 100
Informatikë 200
Teknologji Informacioni dhe komunikimi 100
Inxhinieri matematike dhe informatike 100
Fakulteti i Gjuhëve të Huaja
Gjuhë angleze 240
Gjuhë gjermane 140
Gjuhë italiane 150
Gjuhë greke 85
Gjuhë frënge 140
Gjuhë turke 85
Gjuhë ruse 85
Gjuhë spanjolle me profil gjuhë-letërsi dhe qytetërim hispanik 95
Gjuhë angleze Sarandë 50
Fakulteti i Shkencave Sociale
Psikologji 110
Punë sociale 100
Filozofi 80
Sociologji 81
Shkenca Politike 100
Administrim dhe Politika Sociale 100
Fakulteti Ekonomik
Administrim–Biznes 460
Ekonomiks 110
Financë 460
Informatikë Ekonomike 250
Administrim-Biznes (Sarandë) 100
Fakulteti i Drejtësisë
Drejtësi 750 kuota
UNIVERSITETI I MJEKËSISË TIRANË
Fakulteti i Mjekësisë
Mjekësi e Përgjithshme 270
Farmaci 100
Shëndet Publik 20
Fakulteti i Mjekësisë Dentare
Stomatologji 100
Fakulteti i Shkencave Mjekësore Teknike
Infermieri e Përgjithshme 240
Mami 32
Teknikë e Lartë Laboratorike 42
Fizioterapi 43
Logopedi 21
Imazheri 45
UNIVERSITETI POLITEKNIK I TIRANËS
Fakulteti i Inxhinierisë së Ndërtimit
Inxhinieri Ndërtimi 100
Inxhinieri Hidroteknike 50
Inxhinieri Mjedisi 50
Inxhinieri Gjeodezi 50
Fakulteti i Arkitekturës dhe Urbanistikës
Arkitekturë (Arkitekt) 105
Arkitekturë (Urbanist) 55
Arkitektur interier dhe dizajn 35
Fakulteti i Inxhinierisë Elektrike
Inxhinieri Elektrike (Automatizim i Industrisë) 70
Inxhinieri Elektrike (Energjetike) 70
Inxhinieri Mekatronike 70
Fakulteti i Inxhinierisë Matematike dhe Inxhinierisë Fizike
Inxhinieri Fizike 80
Inxhinieri Matematike 80
Fakulteti i Inxhinierisë Mekanike
Inxhinieri Mekanike 145
Inxhinieri Tekstile dhe Modë 70
Inxhinieri Materiale 55
Inxhinieri Ekonomike 85
Fakulteti i Gjeologjisë dhe Minierave
Shkencat e Tokës 70
Inxhinieri Gjeoburimesh 70
Inxhinieri Gjeoinformatike 100
Inxhinieri Gjeomjedis 60
Fakulteti i Teknologjisë dhe Informacionit
Inxhinieri Elektronike 100
Inxhinieri Informatike 100
Inxhinieri Telekomunikacioni 100
UNIVERSITETI BUJQËSOR I TIRANËS
Fakulteti i Ekonomisë dhe Agrobiznesit
Menaxhim Agrobiznesi 120
Ekonomi dhe Politikë Agrare 90
Finance-kontabilitet 120
Menaxhim i Turizmit Rural 90
Informatikë Biznesi 90
Ekonomiks i Aplikuar 90
Fakulteti i Bujqësisë dhe Mjedisit
Mbrojtje bimësh 120
Hortikulturë 120
Prodhim bimor 120
Zootekni dhe biznes blegtoral 120
Akuakulturë dhe Menaxhim Peshkimi 120
Agromjedis dhe ekologji 130
Inxhinieri agrare-Agromekanizim 120
Fakulteti i Bioteknologjisë dhe Ushqimit
Teknologji Agroushqimore 102
Vreshtari-Enologji 104
Fakulteti i Shkencave Pyjore
Mbarështim Pyjesh 65
Përpunim Druri 65
Fakulteti i Mjekësisë Veterinare
Mjekësi Veterinare 115
Menaxhim Veterinar (2vjeçar) 65
Universiteti i Sporteve të Tiranës
Shkencat e Lëvizjes 150
Fushat e Veprimtarisë Fizike, të Shëndetit dhe të Rekreacionit 144
UNIVERSITETI I ARTEVE TIRANË
Fakulteti i Artit Skenik
Regji Filmi dhe Televizioni 16
Aktrim 16
Regji 14
Skenografi – Kostumografi 16
Koreografi 3
Fakulteti i Arteve të Bukura
Pikturë 66
Skulpturë 12
Fakulteti i Muzikës
Muzikologji 3
Kompozim 4
Dirizhim 3
Piano 6
Violinë 8
Violonçel 2
Violë 4
Kitarë 6
Kontrabas 3
Flaut 3
Oboe 3
Klarinetë 4
Fagot 3
Korno 3
Trombë 3
Trombon 4
Bastubë 2
Kanto 13
Pedagogji Muzikore 15
Fizarmonikë Klasike 4
UNIVERSITETI “LUIGJ GURAKUQI” SHKODËR
Fakulteti i Shkencave Shoqërore
Gjuhë letërsi 100
Gazetari dhe komunikim 73
Histori 85
Gjeografi 90
Fakulteti i Shkencave të Natyrës
Matematikë 68
Fizikë 60
Informatikë 85
Biologji-Kimi 80
Infermieri e përgjithshme 85
Infermieri (Mami) 80
Infermieri (Fizioterapi) 30
Fakulteti i Shkencave të Edukimit
Mësuesi Arsimi Fillor 60
Mësuesi arsimi parashkollor 60
Psikologji 60
Punë sociale 60
Edukim fizik dhe sporte 70
Pedagogji muzikore 30
Pikturë grafike 30
Fakulteti Ekonomik
Financë-Kontabilitet 120
Administrim-Biznes 120
Turizëm 100
Fakulteti i Gjuhëve të Huaja
Gjuhë Angleze 70
Gjuhë Italiane 60
Gjuhë Gjermane 60
Gjuhë Frënge 60
Fakulteti i Drejtësisë
Drejtësi 300
UNIVERSITETI “ISMAIL QEMALI” VLORË
Fakulteti i Shkencave Teknike
Matematikë 37
Fizikë 30
Shkenca Kompjuterike 60
Teknologji Informacioni 60
Informatikë 60
Inxhinieri Navale 40
Inxhinieri Mekanike 55
Navigacion 50
Kimi 30
Biologji 65
Inxhinieri Elektrike 50
Fakulteti i Ekonomisë
Administrim Biznesi 140
Menaxhim Turizmi 100
Ekonomiks 120
Financë 190
Kontabilitet 70
Marketing 80
Fakulteti i Shkencave Humane
Mësuesi për Arsimin Fillor 70
Mësuesi për Arsimin Parashkollor 60
Pedagogji e Specializuar 25
Gjuhë Shqipe dhe Letërsi 80
Gjuhë Angleze 90
Gjuhë italiane 40
Histori-gjeografi 70
Drejtësi 165
Fakulteti i Shëndetit Publik
Infermieri e përgjithshme 190
Infermier Mami 90
UNIVERSITETI “EQREM ÇABEJ”, GJIROKASTËR
Fakulteti i Shkencave të Natyrës
Biologji-Kimi 40
Fizikë dhe Teknologji Informacioni 30
Matematikë-Fizikë 35
Matematikë-Informatikë 35
Teknologji Informacioni 45
Infermieri e Përgjithshme 70
Infermieri Mami 40
Fakulteti i Edukimit dhe Shkencave Shoqërore
Histori-Gjeografi 50
Gjuhë-Letërsi Shqipe 40
Gjuhë Letërsi Angleze 40
Gjuhë Letërsi Italiane 25
Gjuhë Letërsi dhe Qytetërim Grek 25
Histori dhe Gjuhë Italiane 25
Mësuesi për Arsimin Fillor 45
Mësuesi për Arsimin Parashkollor 45
Kontabilitet-Financë 60
Administrim-ublik 60
Ekonomi Turizmi 40
UNIVERSITETI “ALEKSANDËR MOISIU” NË DURRËS
Fakulteti i Biznesit
Administrim Biznesi 70
Menaxhim-Marketing 70
Shkenca Ekonomike 85
Financë-Kontabilitet 88
Bankë Financë 88
Menaxhim Hotel Restorant 60
Menaxhim Turizëm Kulturor 60
Menaxhim Turizëm Arkeologjik 60
Fakulteti i Shkencave Politike dhe Juridike
Drejtësi 170
Shkenca Politike 70
Administrim Publik 70
Politikë Ekonomike 70
Marrëdhënie me Publikun 70
Histori 70
Fakulteti i Studimeve profesionale
Infermieri e Përgjithshme 91
Mami 46
Fizioterapi 46
Navigacion dhe Peshkim Detar 46
Teknikë Elektrike (2 vjeçar) 44
Hidroteknikë Ujësjellës Kanalizime (2 vjeçar) 44
Asistencë Stomatologji (2 vjeçar) 45
Menaxhim Ndërtimi (2 vjeçar) 44
Menaxhim Transporti (2 vjeçar) 44
Asistencë Ligjore (2 vjeçar) 35
Asistencë Administrative (2 vjeçar) 35
Teknologji Automobilash (2 vjeçar)
Teknikë e Rrjeteve Kompjuterike (2 vjeçar) 44
Informatikë Praktike (2 vjeçar) 35
Specialist kompjuterësh 35
Fakulteti i Edukimit
Gjuhë Angleze 70
Mësuesi për Arsim Fillor 60
Mësuesi për Arsim Parashkollor 45
Gjuhë Letërsi-Anglisht 80
Gjermanisht-Anglisht 40
Ekspert në Proceset e Formimit 55
Psikologji Sociologji 60
Fakulteti i Teknologjisë së Informacionit
Shkenca Kompjuterike 100
Sistemet e Informacionit 100
Teknologji Informacioni 100
Matematikë-Informatikë 100
Informatikë-Anglisht 65
Multimedia dhe Televizion Dixhital 650
Fakulteti i Studimeve të Integruara për Praktikën
Menaxhim i Bankave (Program në gjuhë angleze) 29
Menaxhim i Hoteleri Turizëm (Program në gjuhë angleze) 29
“Menaxhim i Ndërmarrjeve të Vogla dhe të Mesme 29
UNIVERSITETI I KORÇËS “FAN S. NOLI”
Fakulteti i Edukimit
Gjuhë-Letërsi 50
Gjuhë dhe Kulture Frënge 30
Gjuhë Angleze 60
Mësuesi për Arsimin Fillor 53
Mësuesi për Arsimin Parashkollor 25
Histori-Gjeografi 50
Fakulteti i Shkencave të Natyrës dhe Shkencave Humane
Filozofi-Sociologji 50
Matematikë-Fizikë 32
Matematikë-Informatikë 32
Biologji- Kimi 40
Teknologji Informacioni 56
Infermieri e përgjithshme 90
Mami (Infermier) 40
Administrim dhe Politika Sociale 60
Fakulteti i Ekonomisë
Financë-Kontabilitet 110
Menaxhim 90
Administrim Biznesi në Marketing 80
Administrim Biznesi në Turizëm 80
Fakulteti i Bujqësisë
Agroushqim 48
Agrobiznes 50
Inxhinieri Agronomike 60
Mjekësi e Bimëve dhe Hortikulture 40
UNIVERSITETI “ALEKSANDËR XHUVANI”, ELBASAN
Fakulteti i Shkencave Humane
Gjuhë-Letërsi 90
Gjuhë-Letërsi shqipe dhe Frënge 28
Histori- Gjeografi 80
Histori dhe gjuhë gjermane 28
Gjeografi dhe gjuhë italiane 48
Gjuhë angleze 105
Gjuhë gjermane 28
Gjuhë frënge 33
Gjuhë italiane 58
Gazetari 58
Gazetari-Anglisht 58
Gjuhe Shqipe dhe Rome 15
Fakulteti i Shkencave të Natyrës
Biologji-Kimi 90
Matematikë-Fizikë 70
Teknologjitë e informacionit 120
Teknologji laboratori (2vjeçar) 60
Fizikë kompjuterike 40
Matematikë Informatike 70
Fakulteti i Shkencave Mjekësore Teknike
Infermieri e përgjithshme 185
Infermieri-Mami 110
Fizioterapi 90
Logopedi 70
Imazheri 90
Teknologji laboratori 95
Fakulteti i Shkencave të Edukimit
Mësuesi për Arsimin Fillor 115
Mësuesi për Arsimi Parashkollor 90
Edukim qytetar 70
Punonjës social 75
Filozofi-Sociologji 70
Psikologji 75
Edukim Fizik dhe Sporte 80
Fakulteti Ekonomik
Administrim-Biznes 120
Financë-Kontabilitet 120
Ekonomia dhe e drejta 120
Informatikë ekonomike 120
Ekonomi turizmi 80
Administrim biznesi dhe Inxhinieri 80
Shkenca Juridike në Biznes 80
Shkenca Juridike në Sektorin Publik 80
Vazhdo leximin
Duhet të jeni i kyçur në mënyrë që të mund të lini një koment Kyçu