Përmes një statusi në rrjetin social Facebook, analisti Lutfi Dervishi ka parashtruar disa pika të cilat sipas tij, meritonin të bëheshin lajm jo sikurse janë trajtuar deri më sot.

Të paktën në këtë muaj sipas Dervishit këtë muaj të diskutohej dhe të bëhej lajm: Punësimi dhe jo “punësimet” e 3580 punonjësve gjatë këtij muaji! Arsimi dhe jo përfshirja e arsimtarëve në fushatë! Uji 24 orë dhe jo punësimet 24 orëshe të Ujësjellësit! Rendi dhe jo përfshirja e policisë në fushatë.

Statusi i plotë:

Po sikur…

Po sikur këtë muaj të diskutohej dhe të bëhej lajm….

Punësimi dhe jo “punësimet” e 3580 punonjësve gjatë këtij muaji!
Arsimi dhe jo përfshirja e arsimtarëve në fushatë!
Uji 24 orë dhe jo punësimet 24 orëshe të Ujësjellësit!
Rendi dhe jo përfshirja e policisë në fushatë!
Varfëria dhe jo pako me ushqime në këmbim të votave!
Hekurudha që është katandisur me 20 vagona dhe jo punësimi 20 personave në fushatë!
Rrugët që kanë mbetur rrugëve dhe jo drejtori rrugëve që merr karta identiteti të votuesve|!
Nafta si pasuri kombëtare dhe jo punësimet 1 mujore në këmbim të votave!
Shpejtësia e shërbimit postar dhe jo lëvizjet me shpejtësi kozmike të punonjësve në fushatë!
Të ardhurat nga dogana dhe jo doganier që blejnë vota!