Edi Rama, e keqja më e madhe

Deputeti aktual i Partisë Socialiste, Vladimir Kosta nuk ia ka falur Edi Ramës faktin që ai nuk e përfshiu në listën e kandidatëve për deputetë.

Në një postim të tijin në rrjetin social Facebook, Kosta ka “shpërthyer” kundër Ramës duke e cilësuar atë si më të keq se Berisha dhe njeri që do të zhdukë opozitën.

Duke iu përgjigjur një komenti të avokat Spartak Ngjelës, Kosta shprehet se Rama është e keqja e Shqipërisë, ndërsa thekson se ai ka abuzuar me pasurinë e shqiptarëve.

Vladimir Kosta ka qenë një nga deputetët e pakënaqur brenda radhëve të socialistëve, ku herë pas here ka sulmuar qeverisjen, por më së shumti sulmet i ka pas ndaj rolit që luante LSI në qeverisje.

Më poshtë statusi i tij i plotë:

“Avokat Ngjela , Rama është 10 nivele më poshtë se Saliu .

MË E KEQJA E SHQIPËRISË !

Avokat, ti e njeh me kohë Ramën , unë këto 4 vite që e njoha e them me bindje se ai nuk e do këtë vend … gjithçka që ka bërë deri më sot janë të verifikueshme dhe hetohen shumë kollaj qoftë edhe për punimet e maskuara.

Rama ka abuzuar shumë me pasurinë kombëtare , për mua ti kalojë prokurorisë dhe jo më të kërkojë votën për kryeministër !

Ky kryeministër ja hoqi një vakt buke popullit shqiptar dhe ti i ke dalë në mbrojtje deri më sot!

Është 10 nivele më poshtë se Saliu për të cilin ju s’keni reshtur duke e akuzuar.

Mbroje këtë vend, se Rama bën çmos ta zhduk OPOZITËN .

Edhe diçka, nëse e ke parë filmin WORLD DOCKS, Rama është tipiku Deveroli i ngjashëm në karakterin e atij kontrabandisti!”