Tragji-Komedi!!!

Tragji-Komedi- Nga Ardit Haxhija

Nje vend normal: Fillon shkollen si cdo femije me deshire e pasion. Vazhdon me arsimin 9-vjecar duke mesuar gjera te reja. Arrin kulmin e mesimit ne gjimnaz duke formesuar te ardhmen. Jeta jote merr drejtimin perfundimtar me universitetin. Pastaj fillon nje jete e re me shume perpjekje ku ato qe ke mesuar mundohesh ti vesh ne zbatim. Pas shume e shume vitesh pune fillojne mendimet e nje ndryshimi. Ndihesh gati per te qene zeri i shume njerezve, fillon merresh me politike, aspiron deputet, minister, kryeminister etj etj…dhe ne kete menyre mbyllet cikli i nje jete humane.
Ne Shqiperi: Fillon shkollen pa deshire. Qe ne fillimet e tua je femija qe ua nxin faqen prinderve dhe nga ky turp nuk duken ne asnje takim apo mbledhje shkolle. Vazhdon me arsimin 9-vjecar ku prindi vjen ne shkolle per here te pare duke u lutur te te kalojne se do mbetesh pa 9-vjecare e do tallen te gjithe me ty. U be cuni per nuse akoma ne klase te 9 do thone. Rendomte e gjen veten ne nje shkolle te mesme. Papritmas zbulon partine si menyren ideale per te lene mesimin e per tu argetuar neper party. Ben c’ben mbaron gjimnazin dhe regjistrohesh ne universitet sa per te mos mbetur pa shkolle te larte(si gjithe shoqnia). Befas kontributi yt ne parti njihet dhe e gjen veten deputet ne parlament. Sigurisht vjen dita jote ku hakmerresh per te gjitha ‘padrejtesite’ qe te jane bere. Aty fillon nje epoke e re per ty, ku vjedh cte dale para, me duar te pastra. Gjate kesaj periudhe mbaron shkollen, masterin, doktoraturen dhe ne fund te mandatit e gjen veten profesor i asociuar. Sigurisht keto 4-vite behen shume te ngjeshura per ty, pasi do te rifitosh kohen e humbur dhe fillon merresh me biznes,nderton 2-3 pallate, disa aktivitete private, pasuri te patundshme dhe 4-5 shtepi per embelsire. Pa harruar garen tende te cmendur me pronarin e Benzit se kush mban modelin me te fundit te makines. Dhe keshtu mbyllet cikli i nje njeriu te suksesshem qe sherben si frymezim per brezat qe vijne pas.
C’te duhet shkolla kur ke partine e c’te duhet shkolla kur nuk ke partine???!!!!