Orkidetë janë shumë të bukura, por shumë delikate. Po ju japim 3 këshilla se si të kujdeseni për to, për t’u dhuruar shumë jetëgjatësi dhe freski.

1-Vazo prej balte

Poroze dhe përthithëse, vazoja e baltës është shtëpia ideale për një orkide. Nëse e blini në një vazo porcelani ose plastike,  për të mirën e saj, vendoseni në një vazo terakote duke lënë një hapësirë prej 5 centimetrash. Mos u përpiqni ta fusni direkt në vazon e re. Mund të jetë shumë traumatike për orkidenë e vogël.

2-Diell në mëngjes

Për të bërë të lumtur një orkide, lëreni në një vend ku e prek dielli i mëngjesit, por duke shmangur korrentet e ajrit. Kujdes, drita nuk duhet të jetë e drejtpërdrejtë, mundësisht duhet një perde e bardhë për të mbrojtur lulet.

3-Ujitje e dyfishtë

Uji është gjithmonë një e panjohur për lulet: shumë apo pak? Për orkidetë ndiqni këto udhëzime:

Mbushni një ujitëse me ujë në temperaturën e dhomës.

Hidhni ujë në mënyrë uniforme tek bima duke shmangur kurorën (sepse rrezikon kalbjen) dhe nëse lagni gjethet, thajini me një leckë.

Prisni që uji të dalë nga vrimat e vazos së lules.

Ujiteni përsëri.

Ky proces duhet të përsëritet çdo 7-10 ditë. Kontrolloni tokën. Nëse është shumë e thatë, lageni përsëri.