Falimenton “Alitalia”, punonjësit refuzuan ristrukturimin

Kompania kryesore e fluturimeve ajrore italiane Alitalia, do të kërkojë formalisht nisjen e procedurave të falimentimit, pasi punëtorët e saj refuzuan planin e ristrukturimit.

Kompania tha se fluturimet e saj do të vazhdojnë siç janë planifikuar, ndërsa administratorët do të shohin nëse ka mundësi që të ndryshojnë fatin e saj.

Gjatë dekadës së fundit, “Alitalia” ka marrë më shumë se 7 miliardë euro nga shteti për të mbuluar borxhet, por pa mbështetje të mëtejshme, avionët e saj rrezikojnë që të ndalen në mënyrë të përhershme.

Javën e kaluar, punëtorët e kompanisë votuan kundër planit për të shkurtuar vendet e punës dhe pagat, që do t’i siguronte “Alitalia”-s fonde të reja. Plani i ristrukturimit kishte mbështetjen edhe të kompanisë “Tehad” që zotëron 49% të “Alitalia”-s, por pa miratimin e punëtorëve të saj nuk mund të bëhej asgjë.

Ministri italian i Financave, Pier Carlo Padoan tha se qeveria nuk ka më fonde për “Alitalia”-n, gjë që mbështetet edhe nga publiku i gjerë, pasi shumica e italianëve mendojnë se nuk duhen hedhur më para në një pus pa fund.