Partia Socialiste konfirmon zyrtarisht kandidatin për deputet në Pukë. Paulin Luli

I cili ka nisur  fushatën elektorale për  zgjedhjet e përgjithshme në rrethin Pukë-Fushë-Arrëz, duke prezantuar programin dhe platformën e tij për këtë zonë në veriun e Shqipërisë.

Ai ka publikuar edhe posterin, ku kandidon si përfaqësues i PS-së në këtë zonë, nën sloganin “Për Shqipërinë që duam”.

Po ashtu, edhe  deputeti Pjerin Ndreu shkroi një status në facebook se investime madhore po bëhen për banorët dhe për këtë vlerësoi kontributin e Lulit, si kandidati që po fiton besimin e gjithë zonës.

Mësohet se Luli ka përfunduar akademinë e policisë në vitin 1991 dhe ka lënë Gjermaninë ku ushtronte një veprimtari biznesi të suksesshme në fushën e automjeteve, për të kandiduar për Partinë Socialiste.

Po t’i hedhim një sy profilit të Lulit në facebook, vihet re jeta e tij në Gjermani, kryesisht në Dresden, Leipzig etj.

Mesa duket, biznesmeni ka vendosur ta lerë jetën atje dhe t’i përkushtohet vendlindjes së tij, duke iu përkushtuar politikës përmes Partisë Socialiste. /Podiumi.com