Lajm i sigurt do të jetë pasi të jetë votuar, por bazuar në të gjitha burimet e informacionit, Ilir Meta president është më pranë së vërtetës. Nesër me shumë gjasë votohet Presidenti i ri i Republikës. Sot ka nisur mbledhja e firmave.

Deri më tani janë mbledhur 19 firma

Kanë qarkulluar kaq shumë skenare në media online, por sot uji po pastrohet, puzzle po shkon në vend. Mbetet të presim ditën e nesërme se çfarë vule do të vërë në zhvillimet politike. Ilir Meta nga ana e tij nuk ka thënë kurrë se e aspiron presidencën, por në asnjë rast nuk e ka refuzuar atë.

Miqtë të afërt, kolegë politikanë, tregojnë se presidenca është një ëndërr e kahershme e zotit Meta. Do të thoni ju është simbolike. Jep vetëm dekorata. Nuk është tamam kështu. Presidenti pavarësisht ndryshimeve kushtetuese, është figura që qëndron mbi drejtësinë dhe Vetting-u, thembra e Akilit, nuk përjashton rolin e institucionit të Presidencës.