Protesta në të gjithë vendin, Kavaja beteja e parë

Protesta e opozitës vijon në ditën e 68-të, ndërsa kryetari i PD, Lulzim Basha një ditë pas dështimit të negociatave me eurodeputetët Fleckenstein dhe McAllister, nga çadra u shpreh i vendosur për të vijuar protestën.

“Shpartallim dhe çmontim të organizatës kriminale, e kartelit të drogës dhe organizim të zgjedhjeve të lira me votim elektronik me një qeveri teknike. Dje Edi Rama e bëri të qartë se është gati të dorëzojë ministrat e tij dhe kreun e KQZ, zyrtarë në polici e kudo tjetër, por nuk është gati që të dorëzojë karrigen e tij.

Unë dhe PD jemi të vendosur të qëndrojmë fuqimisht krah qytetarëve, protestuesve deri në plotësimin e plotë dhe total të kërkesave që populli ka shtruar për zgjidhje. Votime pa opozitën nuk do të ketë, javën tjetër nis bashkimi i armatave paqësore nga Jugu në Veri, fushë beteja jonë e parë dhe fitorja e parë është Kavaja e lirisë”- u shpreh Basha.