Legjenda për Betejën e Maratonës

Sipas historianit grek, Herodotit, përpara Betejës së Maratonës, një maratonomak i quajtur Pheidippides, u dërgua nga Athina në Spartë që të kërkonte ndihmë ushtarake. Ai mbuloi një distancë prej 225 kilometra në dy ditë. Herodoti rrëfen gjithashtu se pasi forcat e Miltiadhit mposhtën persët në Maratonë, ata marshuan mbrapsht në Athinë me një shpejtësi të madhe, me qëllim që të mbronin qytetin në rast sulmi.

Me kalimin e kohës, këto dy ngjarje janë përzierë mes tyre për të krijuar historinë e famshme të Betejës së Maratonës, kur një maratonomak u dërgua në Athinë, 40 km larg nga Maratona, dhe që me të arritur, thirri: “Ne fituam!” Në të vërtetë, kjo histori është arsyeja përse në Lojërat Olimpike gara quhet “Maratonë”, teksa organizatorët fillestarë donin që të lartësonin vrapimin e famshëm.

Rrëfimi i Herodotit është shkruajtur afërsisht 40 vite pas ngjarjeve, dhe bazuar në dëshmitë e dëshmitarëve, Pheidippides ndoshta ka qenë një figurë historike reale, dhe vrapimi më i gjatë mes Athinës dhe Spartës ndoshta ka ndodhur vërtet.