“Asnjëherë mos hiq dorë nga ëndërrat e tua”

Eni Dervishi, 17 vjeçarja nga Pogradeci, ka qenë gjithnjë e intriguar nga gjuhët e ndryshme. “Kur isha në kopsht, një mësues na mësonte si të thonim “karrige” dhe “tavolinë” në anglisht. Mu duk shumë tërheqës fakti që mund të përdorje dy fjalë të ndryshme për një objekt”- kujton ajo.

Në qytetin e saj të vogël, mësimdhënia ishte e limituar. Por Eni ishte e vendosur të mësonte. Ajo kishte dëgjuar se një fqinj i saj dinte anglisht. “Mendova të shkoj t’i trokas në derë, i kërkova të më mësonte dhe mesa duket gruas së tij i erdhi keq për mua”- tha Dervishi.

Kur një shok më i rritur nisi të mësonte Italisht, Dervishi i shkonte nga pas që të mësonte, së shpejti ajo shtoi dhe frëngjishten, duke udhëtuar në Tiranë për libra. Gjermanisht, spanjisht dhe pak portugalisht, mësoi nga telenovelat.

Më në fund vendndodhja e saj e izoluar u kthye në një avantazh, sepse qyteti i saj i lindjes, Pogradeci, ndodhet pranë liqenit të Ohrit dhe është një tërheqje për turistët. Kështu që ajo mundi të praktikonte gjuhët të ndryshme me vizitorë të huaj.

Këmbëngulja e saj u vlerësua me një bursë të plotë, në fakt ajo u pranua në 14 kolegje, nga 15 që kishte aplikuar. Por sfidat vazhdonin. “Frikës së kalimit nga shkolla e mesme në të lartën, iu shtua dhe udhëtimi në një tjetër shtet”- thotë ajo.

Realizimi i ëndërrës së saj e ka çuar atë shumë larg nga Shqipëria. “Unë gjithnjë kam ëndërruar të udhëtoj nëpër botë dhe Harvard ma dha këtë mundësi. Kam njohur njerëz me pikëpamje shumë të ndryshme dhe kam arritur të mësoj nga profesorët më të mirë në botë”- shprehet Dervishi.

“Asnjëherë mos hiq dorë nga ëndërrat e tua”- është mesazhi i Eni Dervishit.