Rreziku rus në Ballkan është real

Kryetarja e Këshillit të Integrimit Europian Majlinda Bregu thotë se rreziku rus në ballkan është real dhe këtu nuk përjashtohet mundësia e ndikimit dhe në vendin tonë. Këtë zonja Bregu e ka thënë në një kronikë për ABC News.

Sipas saj ndryshe nga BE, Rusia e ka interes strategjik të politikës së jashtme Ballkanin dhe financimet ruse mund të shërbejnë për të mbajtur në këmbë regjime autoritare.

Ditët e fundit Bregu është shprehur me tone kritike sidomos ndaj BE-së, kur tha se në përpjekje për të ruajtur stabilitetin po zhduken standardet demokratike.

Ajo theksin e vë tek rreziku rus si një shqetësim sipas saj real për Ballkanin, por edhe për Shqipërinë, duke thënë se pak kush e di që Ballkani Perëndimor është prioritet i politikës së jashtme të BE-së. Më tej kryetarja e Këshillit të Integrimit Europian thotë se shenjat e alarmit në rajon janë dhënë që më herët.

Sigurisht fqinjët sllavë janë më të ndikuar, por as Shqipëria nuk është e paprekshme.

“Shqipëria është vendi më pro perëndimor në Ballkan dhe sigurisht kjo është një gjë që na jep ne sigurinë së brendshmi por askush nuk mund të përjashtojë që influenca ruse dhe njëkohësisht tentativa për kërcënim të mos jetë e ndjeshëm edhe për Shqipërinë përsa kohë që është aq i ndjeshëm në kufijtë e shteteve fqinje”, është shprehur Majlinda Bregu./Marrë nga ABC News.