Raporti, Janë shtuar krimet kundër personit

Prokuroria e Përgjithshme ka dorëzuar në Kuvend raportin vjetor mbi gjendjen e kriminalitetit në vend. Raporti voluminoz jep një tablo të qartë, mbi gjendjen e krimit në Shqipëri, duke filluar nga vrasjet, korrupsioni e vepra të tjera penale. Raporti pritet të analizohet dhe nga Komisioni i Sigurisë dhe të dëgjohet nga deputetët e vendit. Vetëm gjatë vitit 2016 janë rregjistruar 426 procedime penale përsa i përket krimeve kundër personit.

Gjatë vitit 2016 veprat penale kundër personit kanë pësuar një rritje, në krahasim me vitin 2015. Sipas Prokurorisë së Përgjithshme pesha specifike që zë ky grup veprash penale për vitin 2016 është 1,44 përqind e numrit total të procedimeve penale të regjistruara në shkallë vendi, ndërsa për vitin 2015 ky grup veprash përbënte 1,3 përqind të totalit të procedimeve. Pra vihet re një rritje e këtij treguesi për vitin 2016 në krahasim me vitin 2015.