VIDEO / Ilir Meta sfidon duke luajtur me të rinjtë

Kreu i LSI-së, Ilir Meta ka qenë i pranishëm sot në Pezë, ku LRI-ja ka organizuar një aktivitet me gjimnazistë e të rinj për festën e miqësisë. Kreu i Kuvendit duket se e ka shijuar në maksimum ditën me diell, madje në një moment ka nisur të luajë edhe me top.

Po përveç kësaj ai nuk ka lënë pa dhënë edhe një mesazh duke thënë se në parlament duhet të ketë më shumë të rinj dhe jo deputetë të dënuar për trafik e prostitucion.

“Organizoni sa më shumë festa të tilla. Ne jemi krenarë që në zgjedhjet e fundit lokale në Tiranë, ne kishim kaq shumë kandidatë të rinj. Tani kemi zgjedhjet e 18 qershorit, duam një mbështetje nga gjimnazistët dhe të rinjtë e Tiranës, jo vetëm për LSI që ka mbrojtur të drejtat e maturantëve, studentëve, por duam sa më shumë mbështetje që sa më shumë të rinj dhe të reja të jenë në parlament. U lodhën shqiptarët duke dëgjuar se edhe ky deputet doli me rekorde kriminale se edhe ky deputet qenka marrë me trafik prostitucioni në Itali, apo Zvicër”,- tha Meta.