Gafa e radhës për Rudina Magjistarin (Video)

Rudina Magjistari bën gafën e radhës… në fakt këtë herë ra viktimë e gafës së të ftuarës së saj, e cila e emocionuar nuk tha “stazh”, por “shtazë”. E Rudina si më e mësuar me këto punë tentoi ta korrigjonte, por fatkeqësisht bëri të njëjtën gafë.

“Pse nuk qëndrove të Arjani, ishe në një kohë prova apo çfarë ndodhi?”, pyet ajo të ftuarën që mesa duket ka pasur një përvojë të shkurtër në emisionin Arjan Çanit.

Isha në një kohë shtaz… – thotë e ftuara.

“Në kohë shtaz”, ia kthen me bindje Rudina duke bërë kështu një mish-mashi, të cilin e kaloi me të qeshur e ndihmuar edhe nga duartrokitjet e publikut në sallë.

Kjo nuk është hera e parë që Rudina godet me “gafat” e saj. Pak kohë më parë, bëri një gafë pak më të rëndë me Mariza Ikonomin të cilës i tha se ishte mbesa e Francesk Radit dhe më pas me këngëtarin Gjergj Leka ku u shpreh se nuk dinte ku binte Liqeni i Thatë.

Megjithatë, pavarësisht këtyre gafave që në fund të fundit dhurojnë humor, Rudina mbetet një nga prezantueset më të dashura për publikun shqiptar.