Doktori j’u 10

Edison Ypi-ypi.al

Ruhuni nga Doktori. Doktori as j’u 7 e as j’u 8. Doktori vetëm j’u 10. Në 10 e 10 apo në 10 pa 10, para apo pas 10 ditësh a 10 vjetësh, 10 metra më tëhu a 10 kilometra më tutje, Doktori vetëm j’u 10. Doktori nuk j’u 10 vetëm kur është në pushtet. Doktori j’u 10 10 herë më tepër kur është në opozitë. Doktori nuk j’u 10 kot. Doktori mendohet 10 herë para se j’u 10. Doktori ka të paktën 10 arësye pse j’u 10. Doktori nuk j’u 10 po s’e patët 10 herë hak. Doktori j’u 10 deri 10 herë 10 në fuqi të 10. Domethënë të jeni matematicienë 10 herë më i fortë sa Gausi, të keni imagjinatë 10 herë më të fuqishme se të Ajnshtajnit, dhe të keni marrë 10 diploma matematike nga 10 universitetet më të famshme të botës, nuk e bëni dot hesap sa herë Doktori j’u 10. Cilët 10 Doktori ? I pari që Doktori 10, bashkë me të dytin që Doktori 10, e bashkë me të gjithë ju që Doktor j’u 10, janë ata legena, ata spiuna, ata komunista, ata hajduta, të cilët e meritojnë që Doktori i 10. Kjo është arsyeja që Doktori, i cili kurrë nuk j’u 10 kot, 10 e 10 pa u ndalur vetëm ju që kupën e keni mbushur. Doktori s’ka nge të bëjë dallime mes jush që 10. Doktori juve j’u 10, dhe pik. Doktori juve j’u 10 dhe j’u harron. Budallenj me brirë, ngordhalaqë të pështirë, materialistë të ndyrë, ziliqarë të sëmurë, shkarrashkrues shpifarakë, zorraxhinj të fëlliqur, kockaxhinj të pangopur, interesaxhinj të pafytyrë, Doktori bën shumë mirë që j’u 10.