Aktualitet
Foto/ Protesta vijon…
Ndërsa protesta e opozitës ka hyrë në ditën e saj, nata e parë në shesh për protestuesit ka qenë entuziaste.
Në krye të protestës ka qëndruar çdo moment kreu i PD-së, Lulzim Basha i cili është fotografuar duke luajtur shah, apo duke bërë foto me simpatizantë dhe mbështetës të tij.
Dhjetëra kanë qenë deputetët dhe drejtuesit jo vetëm të PD-së, por edhe të partive aleate që i janë bashkuar kauzës për zgjedhje të lira e të drejta.
Brenda çadrës dëgjohej muzikë, ndërsa protestuesit hynin e dilnin. Muzika ndërpritej herë pas here, kur në podiumin e improvizuar brenda çadrës merrnin fjalën organizatorë e përfaqësues të Partisë Demokratike.
Organizatorët e protestës u kujdesen për të gjitha detajet, duke vendosur brenda çadrës ngrohëse me gaz.
Kryetari i Partisë Demokratike, Lulzim Basha u largua në orët e para të mëngjesit.
Duhet të jeni i kyçur në mënyrë që të mund të lini një koment Kyçu