Tahiri ultimatum Shoqërive Private të Sigurisë: Një muaj për të rregulluar situatën, s’mund të ketë më policë me 180 mijë lekë

Ministri i Punëve të Brendshme Saimir Tahiri, Drejtori i Policisë së Shtetit Haki Çako dhe zyrtarë të tjerë të Policisë po zhvillojnë një takim me përfaqësues të SHPSF (Shoqëritë Private të Sigurisë Fizike).

Sipas Tahirit, nuk do të ketë më paga nën 33 mijë lekë për policët privatë, ndërsa shtoi se nuk mund të ketë siguri në banka dhe institucione të tjera me punonjës sigurie mbi 60 vjeç.

“Do të prodhojmë më shumë siguri. Do të rrisim standardet. Janë vjedhur banka kompanitë private nuk kanë bërë detyrën, policia private nuk ka ende rolin që duhet të ketë, sot një polic privat paguhet 40% të pagës së deklaruar. Nuk mund të paguhet më polici 180 mijë lekë, jo më pagesa nën 330 mijë për policët. Kontratat tuaja në vit shkojnë mbi 20 mln euro, e pafalshme që ky përfitim të shkojë në disa xhepa. Policia private duhet të ketë standardet europiane.Nuk duam një Shqipëri ku polici privat të rrijë si gjynafqar, që rri për 180 mijë lekë. Nuk është kjo Shqipëria që duam”, tha ndër të tjera Tahiri.

Më pas ai pati edhe një ultimatum për kompanitë private të sigurisë: “Nuk do ta tolerojmë më këtë situatë, keni një muaj kohë për ta rregulluar”.