Kë po imiton Kreshnik Spahiu?

Një shkrim tejet provokues është publikuar në portalin Opozita.com që është media e Aleancës Kuq e Zi të Kreshinik Spahiut. Pikërisht në këtë artikull, bëhet një krahasim mes kreut të AKZ-së dhe Adolf Hitlerit, si për nga aspekti i fjalimeve, por edhe sa i takon qasjes ndaj nacionalizmit. Nuk është e qartë se cili është qëllimi real i këtij krahasimi i cili mund të quhet vërtetë i guxuar për kohën dhe përmbajtjen.

Artikulli i publikuar nga Opozita.com

Titulli origjinal: Kë po imiton Kreshnik Spahiu?

Të gjithë e njohim kryetarin e Aleancës Kuq e Zi , Kreshnik Spahiu për oratorinë e shkëlqyer dhe gjestikulacionin tipik qe karakterizon fjalimet e tij. Zoti Spahiu gjithashtu njihet për fjalimet e tij historike që bëjnë për vete këdo që i dëgjon. Ai ndez turmat dhe sallat njëkohësisht. Tek Spahiu gjithashtu vihet re dhe vëmendja që ai i kushton imazhit publik.

Fotot e tij janë mjaft mbresëlënëse dhe interesante por kjo foto e postuar së fundmi në profilet zyrtare të Kreut të Ak-së na sjell ndërmend një foto të Hitlerit dekada më parë.

Lind pyetja, Spahiu po imiton Hitlerin në foto, fjalime, dhe gjestikulacion?!

Sepse dihet qe Hitleri eshte oratori me i mire qe ka njohur deri me tani historia boterore.

Gjithashtu ka një ngjashmëri tjetër mes këtyre dy figurave , humbja e Hitlerit në zgjedhje ku arriti të fuste vetëm dy deputete në Bundestag, nga ana tjetër kemi humbjen e Spahiut në zgjedhjet e 2013-s.

Valle do përsëritet historia me Spahiun njëjtë si me Hitlerin?

A ngjan nacionalizmi i Kreshnik Spahiut me nacionalizmin e Hitlerit?