Sekretari i Përgjithshëm i Partisë Demokratike, Arben Ristani ka reaguar mbi aksidentin me pasojë vdekjen e një të riu në Vlorë për shkak të punimeve që po kryhen në “Lungomare”.
Ristani thotë se qeveria në vend që të mbajë përgjegjësi për jetët e humbura, ua hedh fajin viktimave.
“Lungomarja e ferrit për vlonjatët gjatë sezonit turistik, është kthyer në lungomaren e vdekjes. Një i ri humbi jetën dje aty, për shkak të një grope në lungomare dhe në vend që qeveria e Edi Ramës të mbante përgjegjësi për mungesën e sinjalistikës për punimet që vazhdojnë pa fund e janë kthyer në makth për qytetarët, për gropat që lë pas kudo, rend t’ua kalojë, siç bën gjithmonë, përgjegjësinë të tjerëve, fajin tek viktimat”, u shpreh Ristani.
Nga ana tjetër Sekretari i Përgjithshëm i PD-së nënvizoi se, kreu i qeverisë “vazhdon të shijojë qejfet e tij nga New Yorku në Paris nga Milano në Mynih”.
Duhet të jeni i kyçur në mënyrë që të mund të lini një koment Kyçu