Kompania e ndërtimit Fusha.shpk ka fituar kohët e fundit tenderin për të ndërtuar parkim nëntokësorë në Sheshin Skenderbej. Oferta fituese ishte me vlerën 222,719,919 lekë,1.64 milionë euro ose 99 për qind të buxhetit maksimal me vlerën 224,992,371 lekë ose 1.66 milionë euro.
Parkim nëntokësor nga hiçi
Kryeministri Edi Rama, më 8 gusht 2016, pa pritur njoftoi në Facebook se rikualifikimi urban i Sheshit Skenderbej do të përfshinte edhe parking nëntokësor: “Së shpejti ndërtimi i parkimit nëntokësor në Sheshin Skenderbej”.
Shtojca e re në projektin e ndërtimit, tashmë shumë të kushtueshëm, u njoftua nga Zoti Rama saktësisht në periudhën ndërmjet mbylljes së fazës së parë të tenderit të Sheshit Skenderbej më 29 korrik, dhe njoftimit të fituesit më 15 gusht. Edhe ky tender u fitua nga kompania Fusha.shpk.
As në planin original të zbatuar pjesërisht gjatë mandatit të Ramës si kryebashkiak, as në specifikimet teknike të fazës së parë të rikualifikimit të Sheshit Skenderbej nuk përmendet parkimi; punimet nëntokësore të përfshira në projekt janë vetëm tubat e shatërvanëve.
Raporti teknik që shoqëron tenderin, i projektuar nga firma belge e arkitekturës 51N4E, jep më shumë informacion rreth natyrën “shumëfunksionale” të dy kateve të parkimit.
Sipas, kërkesës fillestare të Bashkisë ne e menduam këtë parking si një hapësirë multifunksionale me funksion hybrid, si sheshi sipër tij. Pra, kjo hapësirë në qendër të Tiranës nuk do të shërbej vetëm si një hapësirë parkimi për makina por mundësisht edhe për organizimin e aktiviteteve të ndryshme të organizuara nga Bashkia Tiranë. Aktivitete të tilla mund të jenë: tregu i fruta-perimeve ditën e dielë, panaire të ndryshme të cilat mund të organizohen gjatë gjithë vitit si Panairi i Librit, Panairi i makinave, Panairi i Ndërtimit, Panairi i Kulinarisë,Panairi i Artit Artizanal etj.
Sipas raportit, çdo të dielë, gjysma e një niveli të parkimit do të “rezervohet” për treg fruta-perimesh.
Lind pyetja, pse arti artizanal ose panairet e librit do të duhen të organizohen në parkimin nëntokësor të Sheshit Skenderbej, kur sheshi sipër tij – ashtu si edhe shumë vende të mbyllura në Tiranë – ofrojnë një mjedis shumë më të përshtatshëm dhe me më shumë lehtësira.
Fusha, e preferuara e qeverisë
Njësoj si tenderat e fitimprurës për fazën e parë të rikualifikimit urban të sheshit Skednerbejdhe Shetitores e Himares Fusha fitoi edhe tenderin e parkimit, si i parazgjedhur. Dy kompanitë e tjera, Alko-Impex General Construction dhe Hastoçi.shpk, u skualifikuan.
Sikurse e bëjnë të qartë të dhënat e grumbulluara nga Open Spending Albania të ardhura e kompanisë fusha nga qeveria janë dyfishuar që nga ardhja në pushtet e Zotit Rama. Me tendera e përfituar për fazën e parë të projektit për rikualifikimin e Sheshit Skenderbej dhe për parkimin nëntokësorë, të ardhurat e kompanisë për vitin 2016 i afrohen atyre të vitit 2015.
Duhet të jeni i kyçur në mënyrë që të mund të lini një koment Kyçu