Rikthehet Joleza Koka, sulmon gazetaren

Kishte kohë që mungonte në kronikat rozë të politikës.

Por tashmë është rikthyer.

Joleza Koka godet sërish.

Kësaj here anëtarja e Partisë Socialiste sulmon një gazetare.

Ka mjaftuar një shkrim në portalin Balkanweb, ku gazetarja që analizonte finalistët që konkurrojnë për kryetarë të FRESSH, uronte që ata të mos përfundonin si Joleza, që kjo e fundit të reagojë ashpër.

Duke postuar një foto nga Brukseli, Koka shkruan në Facebook:

Kjo foto i dedikohet posaçërisht gazetares së BallkanWeb ENIDA HIMAJ.

Ajo thotë :

“Që mos të kenë fatin e Jolezës, është kjo padyshim një nga sfidat më të mëdha që kandidatët e FRESSH kanë.”

Unë jam shumë më fat që kam 15000 miq në të gjithë Shqipërinë falë aktivizimit në forum, jam me fat që kam një kryetar partie që nuk më ka diktuar asnjë herë se çfarë duhet të them, ndryshe nga pronarët e këtyre gazetareve.

Jam me fat dhe shumë e nderuar që përfaqësoj sot Shqipërinë në Parlamentin Europian në Ditën Ndërkombëtare të Demokracisë.

Të premtoj e dashur Enida, që nuk dorëzohem dhe do luftoj edhe për ty, me gjithë forcat e mia, që edhe ne Shqiptarët të kemi mundësi të punojmë me dinjitet e të mos kemi nevojë të heqim dorë nga integriteti jonë, nga e vërteta, duke u servilosur apo duke iu bërë keq të tjerëve thjesht për të mbijetuar.