“Jetojnë në shpinë e tyre, po ecin drejt një finalizimi. Unë respektoj dhe mbështes zgjidhjen e djalit tim dhe Arminës”, kështu i është përgjigjur Sali Berisha kureshtjes së Ermal Mamaqit lidhur me marrëdhënien e Shkëlzenit me Arminën. Për herë të parë ish-kryeministri Berisha është shprehur në publik për lidhjen e djalit të tij me blogger-en e njohur shqiptare.

Çfarë mendon Sali Berisha për Kim Kardashian dhe Irina Shayk

I vendosur përballë “makinës të së vërtetës” Sali Berishës iu desh të përgjigjej dhe për femrën më të bukur në botë. Pa lidhje me përgjigjen përfundimtare, ish-kryeministri bëri një parantezë: “Më mediatike është Kim Kardashian. Ndjej keqardhje që Kim Kardashian është kthyer në simbolin e femrës”, tha ai për yllin amerikan të provokimeve, në emisionin “Xing me Ermalin”.

Përgjigja e Sali Berishës për femrën më të bukur në botë ishte për aktoren Nicole Kidman, por sipas “makinës të së vërtetës”, doktori nuk ishte treguar i sinqertë pasi përgjigja e vërtetë ishte Irina Shayk. Por, edhe për modelen ruse, Sali Berisha e pati një koment: “Irina Shayk është shumë fluturuese”, tha ai për ish të dashurën e Cristiano Ronaldos.

Ermali nxjerr qesen e hashashit në emision, Berisha: “Do e pësosh si Eni Vasili”

Tema e ditës, muajit e ndoshta e vitit, Kanabisi, nuk i ka shpëtuar as Ermal Mamaqit në emisionin e tij të ri. Papritur, teksa zhvillonte një intervistë me ish-kryeministrin Berisha, aktori i humorit nxorri një qese të madhe me “bar” por Sali Berisha duket se ia preu hovin. “Kujdes Ermal se do na sjellësh policinë këtu, do e pësosh si Eni Vasili”.

Vetëm pak kohë më parë, gazetares Eni Vasili iu sekuestrua një degë e njomë hashashi të cilën prezantuesja e kishte marrë si ilustruese të temës së saj të emisionit. Policia mësyu në studiot e News 24 për të sekuestruar degën, duke e lënë Enin pa gjethe.

Berisha tregon politikanin që ka më shumë inat

Makina e të vërtetës ka qenë një nga minirubrikat që Emral Mamaqi ka patur gjatë intervistës së tij me deputetin demokrat Sali Berisha. Një nga pyetjet që Mamaqi i ka drejtuar Berishës para makinës së të vertetës ka qenë, ajo që lidhej me politikanin që Berisha ka patur më shumë inat, gjatë karrierës së tij.

“Politikani që kam patur më shumë inat si  bashkëkohës ka qenë Sllobodan Miloshevici”, është shprehur Berisha.

Berisha: Rama ta shpif, ndërroj kanal kur del në televizor

Ish-Kryeministri Berisha i ftuar në TV Klan në programin “Xing me Ermalin” është pyetur nga Mamaqi nëse e ka ndjekur intervistën e Kryeministrit Rama me të. Me humorin që e karakterizon, por i drejtpërdrejtë Berisha është shprehur se rastësisht e ka parë dhe menjëherë ka ndërruar kanalin televiziv.

“Ai është artificial, ta shpif”, është shprehur Berisha duke shkaktuar të qeshura në publik dhe duke shtuar se Rama eshte me komplekse.