Nano pendohet, më mirë të riqeverisemi nga Berisha se nga Rama

Komentatori politik Mustafa Nano foli dje në studion e lajmeve të TemaTv në lidhje me miratimin e ligjit për importin e plehrave.

Gjatë bisedës ai komentoi edhe situatën e përgjithshme politike në vend, vecanërisht ecurinë e qeverisjes Rama. Më poshtë ne po sjellim disa nga pohimet kryesore të tij:

– Situata tani për mua është më dramatike se kurrë në Shqipëri.

– Në kuptimin literal, kemi një klasë politike m-a-f-i-o-z-e.

– Kam përshtypjen se Rama e Co. do përfundojnë shumë keq.

– Kjo është një mazhorancë që mua përfundimisht më ka zhgënjyer, është një mazhorancë që unë nuk e shoh veten të përfaqësuar.

– Unë jam përfundimisht i bindur që ne kemi për kryeministër një njeri që është korruptuar, dhe kjo nuk ka lidhje vetëm me ligjin mbi importimin e mbetjeve.

– Rama ka më shumë se një vit që ka demonstruar se situata i ka dalë jashtë kontrrollit, ai nuk ka asgjë nën kontroll më.

– Vendi është nën kontrollin e një spontaniteti të rrezikshëm, apo e ca marrëdhënieve të çuditshme që qeveritarët kanë me ca njerëz që i rrethojnë, por edhe me biznesmenë, por zakonisht edhe me njerëz që janë të përfshirë me krimin.

– Sot tre vjet më pas, pa e çarë kokën fare, pa u skuqur e pa u zverdhur, thonë një gjë të kundërt [për ligjin e mbetjeve]. Unë them që këtu thellë-thellë ka motivime mafioze, sepse vetëm motivime të tilla mafioze mund t’i detyrojnë njerëzit të bëjnë figurën e palaços.

– Të mos harrojmë se në anën tjetër është një parti që është më e keqe sesa PS-ja.

– Dhe “common sense-i” më thotë në mënyrë paradoksale që është më mirë të qeverisemi nga një bandit delinkuent [Sali Berisha], se të paktën e dimë se kush është, sesa nga një njeri që nuk e ka veten nën dorë [Edi Rama].