Ermal Mamaqi zbulon detajet: Ҫfarë ndryshon tjetër veҫ titullit…

ëtë të shtunë, Ermal Mamaqi do të nisë programin e tij të ri “Xing me Ermalin” në Tv Klan. Siҫ ka lajmëruar edhe në profilet e tij sociale, ka zgjedhur edhe të ftuarin e parë, ish-Kryeministrin Sali Berisha. Por ҫfarë do të ketë ndryshe emisioni i ri i Ermali, i cili, siҫ tregon vetë moderatori, nuk është ndërprerë nga “6 ditë pa Ermalin.” Eksperienca e gjatë në Digitalb ka qenë një shkollë e vërtetë për të, sepse, siҫ tregon moderator, “Digitalbi ka qenë një shkollë e vërtetë dhe një start i cili do më shërbejë gjithë jetën.” Por emisioni i ri në Tv Klan, që do të nisë më 24 shtator, është në vazhdën e të njëjtit program që Ermali drejtonte edhe në Digitalb, ndonëse është sjellë në një formë të re: “Emisioni nuk quhet që është ndërprerë. E vetmja gjë që ndryshon është vetëm titulli…” – tregon Ermali në një intervistë të fundit për Prive.

“Xing me Ermalin” do të ketë larmi temash dhe të ftuarish, brenda humorit që përfaqëson emisionin, por këtë herë ajo ҫka synon më shumë ky program është depërtimi në më shumë audiencë duke përfshirë me këtë rast edhe publikun e Kosovës. “Xing me Ermalin”, i cili do të jetë nga 1 orë e 30 minuta deri në 2 orë, do të transmetohet edhe në Klan Kosova dhe për lidhjen me publikun e Kosovës, Ermali jep edhe më shumë detaje: “Unë besoj që publiku i Kosovës do të jetë një pjesë e rëndësishme e performancave gjatë transmetimit, pasi vëmendja e të gjithë stafit është që ky program të ndahet në të gjithë Shqiptarinë. Nuk dua ta zbuloj tani, por një pjesë integrale e emisionit që ka lidhje me orkestrën që do të jetë e përhershme në emision ka një përfaqësim direkt nga Kosova”, – shton më tej Ermali. Jo vetëm për të, por edhe për shumë artistë të tjerë nga Shqipëria, Kosova është një treg i madh e i gjerë, që e do artin po aq sa edhe publiku shqiptar: “Pa dyshim që Kosova është një treg i madh që i shtohet tregut të madh të Shqipërisë. Jo vetëm sponsorat, por edhe publiku është i domosdoshëm, kështu që artistët kanë një qëllim – të shpërndajnë sa më shumë dhe të kenë sa më shumë publik. Unë do isha gënjeshtar nëse do thosha që nuk e shoh financiarisht të ushqyeshëm këtë projekt, por gjithashtu më pëlqen edhe që e gjithë Shqiptaria të bëhet pjesë e këtij emisioni”