Më të zgjuarit të të gjitha kohërave

“Të bësh listën e njerëzve më të zgjuar ndonjëherë, ndoshta nuk është një gjë kaq e zgjuar për të bërë,” shkruan website-i BigThink.com. Mbi të gjitha, inteligjenca mund të matet në mënyra të ndryshme. Disa besojnë në testin IQ (koeficienti i inteligjencës), e disa të tjerë besojnë më shumë në inteligjencën emocionale. Shumë njerëz të zgjuar nuk i përjetuan potencialet e tyre. Është gjithashtu e vërtetë se paragjykimet dhe mungesa e mundësive i kanë penguar disa njerëz brilantë që të arrijnë potencialin e tyre të plotë dhe të jenë të njohur. Megjithatë, në vazhdën e argumentit, për të krijuar këtë listë janë përdorur të gjitha kriteret në dispozicion për të zgjedhur emrat e njerëzve të ndritur.

Në vendin e 20-të renditet Kleopatra, faraonia e fundit e Egjiptit e cila sundoi për gati tridhjetë vjet. Fliste rrjedhshëm pesë gjuhë dhe IQ-ja e saj ishte rreth 180. Dy pozicione më lart renditet Geri Kasparov, shahisti më i zoti i të gjitha kohërave, me koeficient inteligjence 190. Ai fitoi kampionatin botëror kur ishte 22 vjeç. Në vendin e 16-të renditet shkrimtari, historiani dhe filozofi Volter, një nga figurat kryesore të Iluminizmit francez. Ndërsa dijetari gjerman Gëte renditet i 14-ti me një koeficient inteligjence 213. Në dhjetëshen e dytë, Galileo Galilei që besonte se Toka sillej rreth Diellit renditet në vendin e 12-të, ndjekur nga Lajbnici, filozof dhe matematikan. Dhjetëshja më e mirë nis me shpikësin Nikola Tesla, e dy pozicione më lart është Mari Kyri, fizikante dhe kimiste polake. Në vendin e shtatë renditet Konfuci dhe në të gjashtin Albert Ajnshtajn, shkenctari i teorisë së relativitetit. Uilliam Shekspir, shkrimtari i shquar anglez me IQ 210, renditet i pesti. Në vendin e tretë dhe të katërt renditen Platoni dhe Aristoteli, filozofët grekë më me influencë. Një pozicion më lart ndodhet Njutoni, matematikani dhe fizikanti angelz, i njohur për ndihmën që dha në zbulimin e gravitetit. Vendi i parë është rezervuar për shkencëtarin, piktorin dhe skulptorin italian, Leonardo da Vinçi.