Korea e Veriut ndalon sarkazmën

Përsa i përket figurës së Kim Jong Un, liderit suprem të Republikës popullore Demokratike të Koresë nga 18 dhjetori i vitit 2011, qarkullojnë mistere dhe legjenda të mëdha, që shpesh kanë shkaktuar të qeshura dhe tallje. Kjo ironi nuk është më e mundur prej ditës së djeshme, pasi diktatori mendon se nuk merret seriozisht, të paktën sipas asaj që shkruan “The Indipendent”. Çfarëdolloj batute, fjalie të nënkuptuar apo sarkazëm, do të ndëshkohet me ligj. Dy fjali në veçanti do t’u ndalohen të gjithë qytetarëve qoftë edhe në bisedat e përditshme si dhe ato zyrtare. E para është “I gjithë faji i Amerikës”: pasi është shqiptuar shpesh herë, edhe gjatë takimeve dhe konferencave, për të vënë në lojë regjimin që shpesh shkarkon fajin e veprimeve të saj mbi vendet e tjera. Fjalia tjetër e ndaluar, përkundrazi, godet diktatorin personalisht. “Është thjesht një i marrë që nuk di të dalloj se si ecën bota”,  përdoret për të nënvizuar politikën izoluese të Kim-Jong-ut, dhe duket se është thënë për të komentuar mungesën e tij gjatë përkujtimores së Luftës së Dytë Botërore që u mbajt në Kinë dhe Rusi. Shumë histori në lidhje me Kim-Jong-Unë nuk janë konfirmuar asnjëherë, por kanë ngjallur kuriozitetin dhe indinjimin e pjesës tjetër të botës kundrejt një diktature që është e përfshirë nga sekretet. Një nga lajmet më të  çuditshme rezulton të jetë përhapur në 2013-ën, kur thuhej se diktatori kishte miratuar vetëm katër modele për prerjen e flokëve, të gjitha të frymëzuara nga model i flokëve të tij. Përpos kësaj diktatori 32-vjeçar njihet edhe për dhunën dhe shtypjen ekstreme.