Derbi ballkanas i takon Shqipërisë (Video)

Kombëtarja e Shqipërisë e ka filluar aventurën drejt ‘Rusia 2018’ me një fitore 2-1 ndaj Maqedonisë.

Shqipëria ishte më e mirë në këtë takim kualifikues dhe kjo ishte një fitore e merituar për Kombëtaren e shqiptarëve.

Ndeshja filloi me golin e Armando Sadikut në minutën e nëntë, pas një asistimi nga Elseid Hysaj.

Vendasit nuk u ndalën pas golit, ata sulmuan vazhdimisht, por nuk arritën të jenë konkretë para portës kundërshtare dhe me rezultatin 1-0 përfunduan 45 minutat e para.

Mysafirët barazuan me anë të Egzijan Alioski në minutën e 51-të pas një gabimi të Burim Kukelit.

Ndeshja u ndërpre në minutën e 76-të për shkak të kushteve të rënda atmosferike dhe kështu rifilloi sot (e martë) në ora 14:00.

Në minutën e 89-të erdhi goli i fitores nga Bekim Balaj pas një asistimi të Ledian Memushajt.

Pas kësaj fitoreje, Shqipëria ka tri pikë në Grupin G, aq sa kanë Spanja dhe Italia. /Telegrafi/