7 Aftësi të cilat çdo menaxher i ri duhet t’i ketë

1. Vizioni:

Të pasurit e një vizioni të qartë mbi tregun është një ndër faktorët më të rëndësishëm në rritjen e një biznesi.

2. Fleksibiliteti:

Të qenët sa më fleksibël, dhe aftësia për të ndryshuar qëndrim sipas situatave të ndryshme është thelbësore. Hyrja në treg e teknikave dhe teknologjive të reja e bën sa më të lehtë këtë proçes.

3. Konsumatori në qendër të vëmendjes:

Marketingu online ka ndryshuar të gjithë rrjedhën e lojës së menaxherëve, prandaj një rëndësi shumë e madhe i kushtohet konsumatorit i cili është faktori kyç në ecurinë e një biznesi. Një ndër qëllimet kryesore të menaxherëve të rinj është të kuptojnë ato se çfarë duan konsumatorët dhe mbi to të ndërtojnë pastaj fushatat e marketingut dhe politika të ndryshme veprimi.

4. Kurioziteti:

Është e pamundur për një menaxher të ri të jetë i suksesshëm nëse nuk ka interes për të mësuar gjëra të reja. Menaxherë të suksesshëm janë zakonisht ata individë që kanë kuriozitet për të mësuar gjithnjë metoda të reja dhe të fusin në biznesin e tyre teknologji sa më të avancuara duke u shndërruar edhe në frymëzim për punonjësit e tyre.

5. Komunikimi:

Në një botë ku teknologjia po bëhet dita ditës mjeti kryesor i komunikimit, është me e lehtë të drejtosh biznesin nëpërmjet saj dhe madje duke mos komunikuar fare verbalisht me punonjësit. Por kjo nuk është një gjë shumë efikase sepse ndikimi që do të ketë në produktivitetin e kompanisë suaj do të jetë me i lartë nëse ju komunikoni vetë më punonjësit tuaj në lidhje me probleme të ndryshme që ata mund të kenë.

6. Menaxhimi i stresit:

Fakti i të qenët menaxher ju bën një person me shumë detyrime për të përmbushur dhe që të gjitha këto detyrime të realizohen sa më mirë duhet që ju të menaxhoni ashtu siç duhet stresin. Një faktor i rëndësishëm është ndarja e detyrave në mënyrën e duhur tek personat përkatës.